សកម្មភាពចូលរួមកិច្ចប្រជុំសេចក្តីព្រាងផែនការសកម្មភាពគម្រោងសម្រាប់អនុវត្តយុទ្ឋសាស្ត្រគ្រប់គ្រង និងអភិវឌ្ឍន៍ជលផលក្នុងអាងទន្លេមេគង្គ
ថ្ងៃចន្ទ ១កើត ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១ ខែតុលា ឆ្នាំ២០១៩ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្សបានចូលរួមកិច្ចប្រជុំពិគ្រោះយោបល់ថ្នាក់ជាតិស្តីពី សេចក្តីព្រាងផែនការសកម្មភាពគម្រោងសម្រាប់អនុវត្តយុទ្ឋសាស្ត្រគ្រប់គ្រង និងអភិវឌ្ឍន៍ជលផលក្នុងអាងទន្លេមេគង្គរបស់គណះកម្មការទន្លេមេគង្គ នៅសណ្ឋាគារអប្សរាអង្គរ ក្រុងសៀមរាប ខេត្តសៀមរាប កិច្ចប្រជុំនេះក្រោមអធិបតីភាព ឯកឧត្តម គល់ វឌ្ឍនា អគ្គលេខាធិការរង នៃគណ:កម្មាធិការជាតិទន្លេមេគង្គកម្ពុជា និង មានគោលបំណង ៖
១- ពិនិត្យលទ្ធផលសំខាន់ៗ និងតារាងមតិយោបល់នៃសេចក្តីព្រាង PBAP ទី២
២- ពិនិត្យ និងពិភាក្សាអំពីសេចក្តីព្រាងទី ៣
៣- ពិភាក្សាលើអាទិភាពនៃលទ្ឋផល និងសកម្មភាពនៃសេចក្តីព្រាង PBAP ទី៣ តារាងពេលវេលា និងសេចក្តីព្រាងសំណើរគម្រោង
៤- ពិនិត្យ និងពិភាក្សាលើជំហានបន្ទាប់ ។
