សកម្មភាពសិក្សាវាយម្លៃលើផលប៉ះពាល់ការអនុវត្តបទដ្ឋានគតិយុត្តពាក់ព័ន្ធការគ្រប់គ្រង ការអភិរក្ស និងអភិវឌ្ឍន៍បរិស្ថានធនធានធម្មជាតិ
ថ្ងៃអង្គារ ៤ រោច ដល់ថ្ងៃសៅរ៍ ៨ រោច ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃ ១៧ ថ្ងៃទី ២១ ខែកញ្ញា ឆ្នាំ២០១៩ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារមន្ត្រីនាយកដ្ឋាន បានបន្តចុះសិក្សាការវាយម្លៃលើផលប៉ះពាល់ការអនុវត្តច្បាប់ និងបទបញ្ញត្តិនានាពាក់ព័ន្ធការគ្រប់គ្រង ការអភិវឌ្ឍ និងអភិរក្សបរិស្ថានធនធានធម្មជាតិនៅតំបន់ទន្លេសាប ស្ថិតនៅក្នុងភូមិសាស្ត្រស្រុកស្ទោង កំពង់ស្វាយ សន្ទុក និងស្រុកបារាយណ៍ ខេត្តកំពង់ធំ និងសហគមន៍នេសាទបឹងទក់បឹងគួយ ។ ការសិក្សានេះ ដើម្បីស្វែងរកពីចំណុចខ្លាំង ចំណុចខ្សោយ និងយន្តការក្នុងការចូលរួមសហការលើការអនុវត្តគោលនយោបាយច្បាប់ និងបទបញ្ញត្តិនានាពាក់ព័ន្ធ ការគ្រប់គ្រង់ អភិវឌ្ឍន៍ និងអភិរក្សបរិស្ថានធនធានធម្មជាតិនៅតំបន់ទន្លេសាបប្រកបដោយចិរភាព ។
