សកម្មភាពសិក្សាបច្ចុប្បន្នភាពប្រជាសាស្ត្រ និងសេដ្ឋកិច្ចសង្គមនៅតំបន់ទីជម្រាលអាងស្ទឹងបរិបូរណ៌ និងអាងស្ទឹងក្រាំងពន្លៃ
នាថ្ងៃចន្ទ ១១ កើត ដល់ថ្ងៃសុក្រ ១៥ កើត ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ៩ ដល់ថ្ងៃទី ១៣ ខែកញ្ញា ឆ្នាំ២០១៩ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តចុះអនុវត្តន៍សកម្មភាពសិក្សាពីបច្ចុប្បន្នភាពប្រជាសាស្ត្រ និងសេដ្ឋកិច្ចសង្គមនៅតំបន់ទីជម្រាលអាងស្ទឹងសំខាន់ៗជុំវិញបឹងទន្លេសាប ក្នុងជំហាន ២ នៃតំបន់ទីជម្រាលអាងស្ទឹងបរិបូរណ៌ និងអាងស្ទឹងក្រាំងពន្លៃ ស្ថិតនៅក្នុងខេត្តកំពង់ឆ្នាំង និងខេត្តកំពង់ស្ពឺ។ ការសិក្សានេះ ដើម្បីធ្វើបច្ចុប្បន្នភាពប្រជាស្រាស្ត្រ សេដ្ឋកិច្ច សង្គមកិច្ច និងសារៈប្រយោជន៍ដែលទទួលបានពីអាងស្ទឹង ព្រមទាំងបញ្ហាដែលបាននិងកំពុងប្រឈម និងយន្តការគន្លឹះក្នុងការគ្រប់គ្រង និងអភិវឌ្ឍន៍ទីជម្រាលអាងស្ទឹងនេះប្រកបដោយប្រសិទ្ធភាព និងមាននីរន្តរភាព។
