កិច្ចប្រជុំពិភាក្សាពីតម្រូវការនិងការថែរក្សាសម្ភារៈបច្ចេកទេស សម្រាប់បម្រើការងារសិក្សាស្រាវជ្រាវ
នាព្រឹកថ្ងៃពុធ ១៣ រោច ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ២៨ ខែសីហា ឆ្នាំ២០១៩ ឯកឧត្តម លឹម ពុយ អនុប្រធានអាជ្ញារធរទន្លេសាប ទទួលជួយការងារបច្ចេកទេស បានដឹកនាំកិច្ចប្រជុំពិភាក្សាការងារពីតម្រូវការ និងការថែរក្សាសម្ភារៈបច្ចេកទេសសម្រាប់បម្រើការងារសិក្សាស្រាវជ្រាវរបស់អាជ្ញាធរទន្លេសាប នៅសាលប្រជុំអគ្គលេខាធិការដ្ឋាន នៃអាជ្ញាធរទន្លេសាប ដែលមានការចូលរួមពី ឯកឧត្តមអគ្គលេខាធិការ អគ្គលេខាធិការរង ជំនួយការឯកឧត្តមប្រធានអាជ្ញាធរទន្លេសាប ប្រធាន-អនុប្រធាននាយកដ្ឋាន ប្រធាន-អនុប្រធានការិយាល័យបច្ចេកទេស ។ កិច្ចប្រជុំ ក្នុងគោលបំណង ដើម្បី ៖
១. ពិនិត្យសម្ភារៈបច្ចេកទេសរបស់អាជ្ញារធរទន្លេសាប ដែលបានផ្គត់ផ្គង់ពីឆ្នាំ២០១៥-២០១៨ រួមទាំងផ្គត់ផ្គង់ដោយគម្រោងដៃគូអភិវឌ្ឍន៍
២. តម្រូវការសម្ភារៈបច្ចេកទេសសម្រាប់ប្រើប្រាស់ក្នុងការបំពេញបេសកកម្ម
៣. ថវិកាគ្រោងទិញសម្ភារៈបច្ចេកទេសសម្រាប់ឆមាសទី ២ និងផែនការឆ្នាំ២០២០
៤.ការគ្រប់គ្រង និងថែរក្សាសម្ភារៈបច្ចេកទេស
បន្ទាប់ពីពិភាក្សា រួចមក ឯកឧត្តម ប្រធានកិច្ចប្រជុំ បានសម្រេចលើការងារមួយចំនួន រួមមាន៖
១. ផែនការសម្ភារៈបច្ចេកទេស ឆ្នាំ២០២០ មានដូចជា Computer Laptops, Network Attach Storage(NAS ) ចំនួន ៤ គ្រឿង, External Hard Disk 4T to 10T ចំនួន 4 Units, ការណូតស្មាច់ ៤ គ្រឿង(ផ្សារឆ្នាំង ឆ្នុលទ្រូ កំពង់ហ្លួង និងចុងឃ្នាស), ICOM និង Voice Recorder, GPS 7 units, Camara ជាដើម។
២. បន្តរៀបចំ (i) បញ្ជីសារពើភ័ណ្ឌ និងផែនការការគ្រប់គ្រង (ii) ក្រុមការងារគ្រប់គ្រង ថែរក្សាសម្ភារៈបច្ចេកទេស និងបន្ទប់រក្សាទុលសម្ភារៈទាំងនេះ (iii) បម្រុងថវិកាសម្រាប់គាំទ្រដល់ការថែទាំ
៣. គ្រប់នាយកដ្ឋានលើសំណើតម្រូវការសម្ភារៈបច្ចេទេសជាចាំបាច់សម្រាប់ឆ្នាំ២០១៩ មកអគ្គលេខាធិការដ្ឋាន ឲ្យបានមុនថ្ងៃទី ៩ ខែ កញ្ញា ឆ្នាំ២០១៩ ដើម្បីពិនិត្យ និងផ្តល់ជូន។
