ឯកឧត្តមសាស្ត្រាចារ្យ លឹម ពុយ បានដឹកនាំក្រុមការងារបច្ចេកទេសសិក្សាពីផលចាប់ លំនៅដ្ឋានត្រី និងគុណភាពទឹក
ថ្ងៃ អង្គារ ១៣ កើត ខែ ស្រាពណ៍ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ១៣ ខែ សីហា ឆ្នាំ ២០១៩ ក្រុមការងារបច្ចេកទេសដឹកនាំដោយឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប បានចុះពិនិត្យទិដ្ឋភាពជាក់ស្តែងលើទីតាំង៖
1- ផាត់សណ្តាយ/ឆ្នុកទ្រូ
2- កោះក្អែក/ស្រីចឹក ។
គោលដៅដែលត្រូវបំពេញ៖
ក- ផលចាប់លើធនធានត្រី តាមឧបករណ៍នេសាទចំនួន 3៖ លបណររ៉ាវ/មង/លប ។ នៅទីតាំងនីមួយៗ ត្រូវពិនិត្យលើ÷
- ប្រភេទត្រី ទំងន់ និងប្រវែង
- Gonado Somatic Index (GSI)
- ភាពសម្បូរនៃប្រភេទត្រី តាមទីតាំង ឬលំនៅដ្ឋាន
ត្រូវត្រៀមរកអ្នកនេសាទលើឧបករណ៍លបណររ៉ាវ, លប, មង និងត្រូវត្រៀមឧបករណ៍ថ្នងដើម្បីស្វែងរកចាប់ត្រីនៅតំបន់វាលស្មៅ ។
ខ- លៀស, ខ្យង និងខ្ចៅ៖ ត្រូវពិនិត្យលើ
- Fecundity
- ទំហំ និងទម្ងន់តាមទីតាំង (ដែលមាននិយាមកាច្បាស់លាស់)
- ភាពសម្បូរ ដោយប្រៀបធៀបនឹងផ្ទៃក្រឡា
គ- រៀបចំតារាងពស់/អណ្តើក/ក្តាម/ខ្យង ដើម្បីធ្វើការសម្ភាសន៍លើវត្តមានរបស់សិប្បីសត្វ និងសត្វល្មូននៅទីតាំងនីមួយៗ
ឃ- លំនៅដ្ឋាន៖ វាលស្មៅ, ត្រែង, វារីរុក្ខជាតិ, កំប្លោក ដែលទាក់ទងនឹងធនធានជលផល
ង- គុណភាពទឹក
- ជ្រើសរើសក្រុមការងារជ្រើសរើសអ្នកនេសាទ និងទីតាំងសិក្សា
- ត្រូវរៀបចំឧបករណ៍សម្រាប់វាស់វែងលើគុណភាពទឹក៖ DO meter, Conductivity meter, Secchi disk, ឧបករណ៍វាស់ជម្រៅទឹក, Algae torch…
- រៀបចំឧបករណ៍វាស់វែង និងថ្លឹងត្រី, វះកាត់កន្សោមត្រី, ជញ្ជីងថ្លឹងពងត្រី
- រៀបចំឧបករណ៍ដូចជា GPS, ថ្មពិល, កាម៉េរ៉ា, iPad ។
លទ្ធផលរំពឹងទុក ៖
- ឆ្លើយនឹងសំណួរតើស្ថានភាពធនធានត្រី ក្នុងរដូវបន្តពូជឆ្នាំ 2019 នេះ មានប្រសិទ្ធភាពឬទេ?
- តើកម្ពស់ទឹកបឹងទន្លេសាបដែលមានក្រោម 1 m រហូតដល់ចុងខែកក្កដា ឆ្នាំ 2019 មានផលប៉ះពាល់អ្វីខ្លះទៅលើការបន្តពូជរបស់ប្រភេទត្រីមួយចំនួនធំដែលពុំមានទីតាំងដើម្បីធ្វើការបន្តពូជ?
- ឆ្លើយនឹងសំណួរតើកូនត្រីដែលបានពងនៅខែមិថុនា និងខែកក្កដា ឆ្នាំ 2019 មានប្រភេទអ្វីខ្លះ? និងប្រវែងប៉ុន្មាន?
- ឆ្លើយនឹងសំណួរតើមេត្រីធំៗ នៅមានសំបុកពងឬទេ និងស្ថានភាពនៃសំបុកពងរបស់មេត្រី?
- ឆ្លើយនឹងសំណួរតើស្ថានភាពកំប្លោកនៅបឹងទន្លេសាប ជាពិសេសនៅតាមពាមស្ទឹងធំៗ?
- ឆ្លើយនឹងសំណួរតើគុណភាពទឹកនៃបឹងទន្លេសាប ដែលមានកម្ពស់ក្រោម 1 m ក្នុងរយៈពេល 6 ខែ?
- បំពេញវត្តមានរបស់ប្រភេទពស់, អណ្តើក, កន្ធាយ, ខ្យង ...។
