សកម្មភាពសិក្សាបច្ចុប្បន្នភាពប្រជាសាស្ត្រ និងសេដ្ឋកិច្ចសង្គមនៅទីជម្រាលអាងស្ទឹងពោធិ៍សាត់
នាថ្ងៃអង្គារ ១៣ កើត ដល់ថ្ងៃសៅរ៍ ០១ រោច ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ១៣ ដល់ថ្ងៃទី ១៧ ខែសីហា ឆ្នាំ២០១៩ សកម្មភាពក្រុមការងារមន្ត្រីបច្ចេកទេស នាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប ដឹកនាំដោយលោក យ៉ាន់ សំរិទ្ធ ប្រធាននាយកដ្ឋាន បានបន្តចុះអនុវត្តន៍សកម្មភាពលើការសិក្សាពីបច្ចុប្បន្នភាពប្រជាសាស្ត្រ និងសេដ្ឋកិច្ចសង្គមនៅតំបន់ទីជម្រាលអាងស្ទឹងសំខាន់ៗជុំវិញបឹងទន្លេសាប ក្នុងជំហាន2 នៃតំបន់អាងស្ទឹងពោធិ៍សាត់ ស្ថិតនៅក្នុងខេត្តពោធិ៍សាត់។ ការសិក្សានេះ ដើម្បីធ្វើបច្ចុប្បន្នភាពប្រជាស្រាស្ត្រ សេដ្ឋកិច្ច សង្គមកិច្ច និងសារៈប្រយោជន៍ដែលទទួលបានពីអាងស្ទឹង ព្រមទាំងបញ្ហាដែល បាន និងកំពុងប្រឈម និងយន្តការគន្លឹះក្នុងការគ្រប់គ្រង និងអភិវឌ្ឍន៍ទីជម្រាលអាងស្ទឹងពោធិ៍សាត់ ប្រកបដោយប្រសិទ្ធភាព និងមាននីរន្តរភាព។
