សកម្មភាពសិក្សាពីស្ថានភាពសេដ្ឋកិច្ចសង្គម និងការប្រើប្រាស់ធនធានធម្មជាតិ ផ្នែកជីវចម្រុះ នៅតំបន់ស្នូលស្ទឹងសែន
នាថ្ងៃ ចន្ទ ១៣ រោច ខែអាសាឍ ដល់ថ្ងៃ ព្រហស្បតិ៍ ទី ០១ កើត ខែ ស្រាពណ៍ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ២៩ ខែកក្កដា ដល់ថ្ងៃទី ០១ ខែ សីហា ឆ្នាំ ២០១៩ លោក ភេម ស៊ា ទីប្រឹក្សាអាជ្ញាធរទន្លេសាប និងមន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ បានបន្តចុះសិក្សាពីស្ថានភាពសេដ្ឋកិច្ចសង្គម និងការប្រើប្រាស់ធនធានធម្មជាតិ ផ្នែកជីវចម្រុះ នៅតំបន់ស្នូលស្ទឹងសែន បន្ទាប់ពីបញ្ចប់ការសិក្សានៅតំបន់ស្នូលទន្លេឆ្មា និង តំបន់ស្នូលព្រែកទាល់។ ការសិក្សានេះ មានគោលបំណងសំខាន់ៗដូចជា ៖
(១) តាមដានប្រើប្រាស់ធនធានជលផលនៅតំបន់ស្នូលស្ទឹងសែន
(២)បច្ចុប្បន្នភាពពីប្រភេទសត្វស្លាប សត្វល្មូន ថនិកសត្វ និងសិប្បីសត្វ។
