សកម្មភាពចុះសិក្សាស្រាវជ្រាវពីការបន្លាស់ទីធនធានជលផលនៅបឹងទន្លេសាប និងតំបន់ពាក់ព័ន្ធ
ថ្ងៃ ចន្ទ ៦ រោច ដល់ថ្ងៃពុធ ៨រោច ខែអាសាឍ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ២២ ដល់ថ្ងៃទី ២៤ ខែ កក្កដា ឆ្នាំ ២០១៩ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានដឹកនាំក្រុមការងារបច្ចេកទេសចុះសិក្សាស្រាវជ្រាវពីការបន្លាស់ទីធនធានជលផលនៅតំបន់បឹងទន្លេសាប ទន្លេមេគង្គ ទន្លេបាសាក់ និងតំបន់ពាក់ព័ន្ធក្នុង រាជធានីភ្នំពេញ ខេត្តកណ្តាល និងព្រៃវែង ។ គោលបំណងនៃការសិក្សាដើម្បី៖
១. បច្ចប្បន្នភាពជីវសាស្ត្រត្រី និងផលចាប់ និងប្រមូលសំណាកត្រីមកពិនិត្យ
២. វាយតម្លៃពីការធ្វើចរាចរចេញ_ចូលរបស់ធនធានប្រភេទត្រីមួយចំនួនទៅតាមទំហំ និងប្រវែងនីមួយៗ
៣.សិក្សាពីសន្ទស្សន៍ការវិវត្តន៍របស់កន្សោមពងត្រីមួយចំនួនធៀបនឹងទំហំដងខ្លួនក្នុងពេលបច្ចុប្បន្នដើម្បីសិក្សាស្វែងយល់បន្ថែមពីការងារបង្កកំណើតនៃប្រភេទ កូនត្រី ។
