សកម្មភាពសិក្សាពីផលប៉ះពាល់គុណភាពទឹកបឹងទន្លេសាប នៅខេត្តបាត់ដំបង និងខេត្តសៀមរាប
នាថ្ងៃ ពុធ ៩កើត ដល់ថ្ងៃ សៅរ៍ ១៣ កើត ខែ អាសាឍ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ១០ ដល់ថ្ងៃទី ១៣ ខែ កក្កដា ឆ្នាំ ២០១៩ លោក វិន ប៊ុនពៅ ប្រធាននាយដ្ឋានធនធានធម្មជាតិ បានដឹកនាំក្រុមមន្ត្រីការងារបច្ចេកទេស បន្តសិក្សាស្រាវជ្រាវ និងវាយតម្លៃពីផលប៉ះពាល់គុណភាពទឹកបឹងបទន្លេសាប និងតំបន់ពាក់ព័ន្ធ ក្នុងខេត្តបាត់ដំបង និងខេត្តសៀមរាប ។
គោលបំណងនៃការសិក្សានេះ ដើម្បី ៖
១.យកសំណាកទឹកនៅតំបន់ទីប្រជុំជន (ភូមិបណ្តែតទឹក), ផ្ទៃបឹងល្វឹងល្វើយ និងដងស្ទឹង ព្រែក ធ្វើការវិភាគលើប៉ារ៉ាម៉ែត្រសំខាន់ៗ (គុណភាពទឹក) ប្រមាណជាចំនួន ១៣ ប៉ារ៉ាម៉ែត្រ
២. សិក្សាពីការប្រើប្រាស់ទឹក និងបញ្ហាសុខភាពរបស់ប្រជាជនដែលរស់នៅភូមិបណ្តែតទឹក
៣. សិក្សាពីផលប៉ះពាល់ដែលជះឥទ្ធិពលដល់គុណភាពទឹក ពីការបញ្ចេញចោលកាកសំណល់របស់ប្រជាពលរដ្ឋភូមិបណ្តែតទឹក
៤. សិក្សាពីបម្រែបម្រួលលើគុណភាពទឹក នៅរដូវប្រាំង រដូវវស្សា និងធ្វើបច្ចុប្បន្នភាពទិន្នន័យ ពត៌័មាន។
៥.ពិនិត្យមើលទិដ្ឋភាពទូទៅលើភូមិបណ្តែតទឹក ដោយមានជំនួយពីការបង្ហោះដ្រូន (Drone)តាមទីតាំងសិក្សា។
