សកម្មភាពសិក្សាពីការគ្រប់គ្រង និងទំនាស់អត្ថប្រយោជន៍ក្នុងការប្រើប្រាស់ធនធានធម្មជាតិ នៅខេត្តបាត់ដំបង
ថ្ងៃចន្ទ ១៤ រោច ខែជេស្ឋ ដល់ថ្ងៃសុក្រ ០៤ កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃ ០១-០៥ ខែកក្កដា ឆ្នាំ២០១៩ លោក យ៉ាន់ សំរិទ្ធ ប្រធាននាយកដ្ឋាន និងមន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ បានបន្តចុះអនុវត្តន៍សកម្មភាពការសិក្សាពីការគ្រប់គ្រង និងទំនាស់អត្ថប្រយោជន៍ក្នុងការប្រើប្រាស់ធនធានធម្មជាតិប្រកបដោយសមធម៌ និងចីរភាព ស្ថិតនៅក្នុងភូមិសាស្ត្រសហគមន៍នេសាទពោធិ៍បាត់ដំបង ឃុំរកា ស្រុកសង្កែ ខេត្តបាត់ដំបង ។ ការសិក្សានេះ ដើម្បីស្វែងយល់ពីទំនាស់អត្ថប្រយោជន៍ Conflict Interest រវាងបណ្ដាអ្នកពាក់ព័ន្ធ ក្នុងការស្វែងរកចំណូលសម្រាប់ទ្រទ្រង់ជីវភាពរស់ប្រចាំថ្ងៃ តាមរយៈការប្រើប្រាស់ និងការទាញយកធនធានធម្មជាតិ រួមទាំងវិធីសាស្ត្រ និងយន្តការក្នុងដោះស្រាយបញ្ហា សម្រាប់ភាពជោគជ័យក្នុងការគ្រប់គ្រងធនធានធម្មជាតិក្នុងសហគមន៍អោយមានចីរភាព ៕
