កិច្ចប្រជុំពិនិត្យពិភាក្សា ស្តីពីការរៀបចំផែនការយុទ្ធសាស្ត្រថវិកាសម្រាប់ឆ្នាំ ២០២០-២០២២
ថ្ងៃ ព្រហស្បតិ៍ ១០ រោច ខែ ជេស្ឋ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី២៧ ខែមិថុនា ឆ្នាំ២០១៩ នៅទីស្តីការក្រសួងធនធានទឹក និងឧតុនិយម (សាលប្រជុំអគារដើមត្នោត) លោកស្រី ទេស សុដាវី អនុប្រធាននាយកដ្ឋាន រដ្ឋបាល ផែនការ និងសហប្រតិបត្តិការ, លោក សាំង រ៉ូឡា អនុប្រធានការិយាល័យផែនការ និងលោក ហឿង ឆេងហ៊ាង អនុប្រធានការិយាល័យគណនេយ្យ នៃអគ្គលេខាធិការដ្ឋាន អាជ្ញាធរទន្លេសាប បានចូលរួមកិច្ចប្រជុំពិនិត្យ និងពិភាក្សាស្តីពីការរៀបចំផែនការយុទ្ធសាស្ត្រថវិកាសម្រាប់ឆ្នាំ ២០២០-២០២២ និងថវិកាកម្មវិធីប្រចាំឆ្នាំ២០២០ របស់ក្រសួងធនធានទឹក និងឧតុនិយម រួមទាំងអាជ្ញាធរទន្លេសាប និងគណៈកម្មាធិការជាតិទន្លេមេគង្គកម្ពុជា ដែលដឹកនាំប្រជុំពិភាក្សាដោយឯកឧត្តម ចាន់ យុត្ថា រដ្ឋលេខាធិការ និងជាប្រធានក្រុមថវិកាក្រសួងធនធានទឹក និងឧតុនិយម ។
