ឯកឧត្តម លឹម ពុយ អនុប្រធានអាជ្ញាធរទន្លេសាប ដឹកនាំកិច្ចប្រជុំការងារបច្ចេកទេសលើសកម្មភាពសិក្សាស្រាវជ្រាវ
នៅរសៀលថ្ងៃ ចន្ទ ០៧ រោច ខែជេស្ឋ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ២៤ ខែ មិថុនា ឆ្នាំ ២០១៩ នៅបន្ទប់ប្រជុំអគ្គលេខាធិការដ្ឋាន នៃអាជ្ញាធរទន្លេសាប ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប បានដឹកនាំកិច្ចប្រជុំបច្ចេកទេស ពិភាក្សាលើការងារចងក្រងរបាយការណ៍រួមឆ្នាំ ២០១៧-២០១៨ និងសកម្មភាពការងារស្រាវជ្រាវបច្ចុប្បន្ន និងអនាគត សម្រាប់ឆ្នាំ២០២០-២០២១។ កិច្ចប្រជុំបានពិភាក្សា បានផ្តោតសំខាន់លើ៖
១. វឌ្ឍនភាពការអនុវត្តគម្រោងសហប្រតិបត្តិការរវាងអាជ្ញជាធរទន្លេសាប និងដៃគូអភិវឌ្ឍន៍ ដូចជាគម្រោង IWRM ស្ទឹងសែន គម្រោង SATTREP គម្រោងសុងក្លា គម្រោង CNMC គម្រោង WAT4CAM គម្រោង FAO និងគម្រោងដទៃទៀត
២. ការងារស្រាវជ្រាវប្រយោលលើបឹងទន្លេសាប កិច្ចប្រជុំជាខ្នាតអន្តរជាតិទាក់ទងនឹងផ្នែកបច្ចេកទេស និងវគ្គបណ្តុះបណ្តាលក្នុង-ក្រៅស្រុកទាក់ទងនឹងផ្នកែកបច្ចេកទេស
៣. សង្ខេបសកម្មភាពរបស់នាយកដ្ឋាន និងអគ្គលេខាធិការដ្ឋានឆ្នាំ២០១៧-២០១៨ ព្រមទាំងគោលការណ៍ដើម្បីរៀបចំដោយធ្វើសំយោគផ្នកែកបច្ចេកទេសនៃសកម្មភាពទាំ២ ឆ្នាំកន្លងមក
៤. មុខសញ្ញាលើសកម្មភាពបច្ចេកទេសសម្រាប់ឆ្នាំ២០២០-២០២១ ព្រមទាំងផែនការមេដែលជាទិសដៅកិច្ចប្រជុំ ក៍បានពិភាក្សាលើការបង្កើតគ្រោង ឆ្អឹងរបាយការណ៍សំយោគ ឆ្នាំ ២០១៧-២០១៨ និងដៅសកម្មភាពបច្ចេកទេសសម្រាប់ឆ្នាំ២០២០-២០២១ ដើម្បីគាំទ្រដល់ផែនការយុទ្ធសាស្ត្របន្តឆ្នាំ ២០២១-២០២៥ ផងដែរ។
