វគ្គបណ្តុះបណ្តាលពីជំនាញវិធីសាស្រ្ត និងនីតិវិធីប្រើប្រាស់តាមដាន និងតាមដានវាយតម្លៃគម្រោង

• 

នាព្រឹកថ្ងៃពុធ ១០ កើត ខែជេស្ឋ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ១២ ខែមិថុនា ឆ្នាំ២០១៩ នៅសាលបណ្តុះបណ្តាលក្រសួងធនធានទឹក និងឧតុនិយម ឯកឧត្តម ម៉ៅ ហាក់ អគ្គលេខាធិការរង តំណាងដ៍ខ្ពង់ខ្ពស់ឯកឧត្តម រដ្ឋមន្រ្តីក្រសួងធនធានទឹក និងឧតុនិយម បានអញ្ជើញចូលរួមបើក វគ្គបណ្តុះបណ្តាលពីជំនាញវិធីសាស្រ្ត និងនីតិវិធីប្រើប្រាស់សម្រាប់តាមដាន និងតាមដានវាយតម្កៃគម្រោង ដែលរៀបចំឡើងដោយអគ្គលេខាធិការដ្ខាន នៃ អាជ្ញាធរទន្លេសាប រយះពេល៣ថ្ងៃ ចាប់ពីថ្ងៃទី១២-១៤ ខែមិថុនា ឆ្នាំ២០១៩ ។ វគ្គបណ្តុះបណ្តាលនេះ មានគោលបំណងដើម្បីកសាងសមត្ថភាពមន្រ្តី បច្ចេកទេសអគ្គលេខាធិការដ្ឋាន អទស មានចំណេះដឹងសម្រាប់អនុវត្តន៍ការងារក្នុងការតាមដាន និងវាយតម្លៃលើគម្រោងបានបញ្ចប់ និងកំពុងអនុវត្តនៅតាម ក្រសួង ស្ថាប័នសាធារណៈថ្នាក់ជាតិ និងថ្នាក់ក្រោមជាតិ។
ជាលទ្ធផលនៃវគ្គបណ្តុះបណ្តាល មន្រ្តីបច្ចេកទេសរបស់អគ្គលេខាធិការដ្ឋាន នៃអាជ្ញាធរទន្លេសាប បានទទួលនូវ៖
- យល់ចំណេះដឹងទូទៅពីជាមូលដ្ឋានគ្រឹះការតាមដាន និងវាយតម្លៃ
- យល់ចំណេះដឹងពីការកំណទ់ និងជ្រើសរើសនូវវិធីសាស្រ្តការអនុវត្តន៍ការកំណត់សូចនករ ការវាស់វែងសូចនករ ការគ្រប់គ្រងទិន្នន័យ ការវិភាគទិន្នន័យ និងការរៀបចំព័ត៌មាន។