សកម្មភាពចូលរួមកិច្ចប្រជុំក្រុមជំនាញការផ្នែកបរិស្ថានថ្នាក់តំបន់នៅប្រទេសវៀតណាម
ថ្ងៃអង្គារ ០២ កើត ខែ ជេស្ឋ ឆ្នាំ កុរ ឯកស័ក ព.ស ២៥៦៣ ត្រូវនឹង ថ្ងៃទី ០៤ ខែ មិថុនា ឆ្នាំ ២០១៩ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានចូលរួមកិច្ចប្រជុំក្រុមជំនាញការផ្នែកបរិស្ថានថ្នាក់តំបន់ ស្តីពីការបង្កើតផែនការសកម្មភាពគម្រោង សម្រាប់អនុវត្តយុទ្ធសាស្ត្រគ្រប់គ្រង និងអភិវឌ្ឍន៍ជលផលក្នុងអាងទន្លេមេគង្គ ដោយមានការចូលរួមពីតំណាងប្រទេសជាសមាជិក មន្ត្រីលេខាធិការដ្ឋានគណៈកម្មការទន្លេមេគង្គ និងស្ថាប័នជាតិ ជំនាញការអន្តរជាតិ ។
អង្គប្រជុំបានពិនិត្យ និងពិភាក្សាលើសេចក្តីព្រាងឯកសារបញ្ជីឈ្មោះគម្រោង និងបានកំណត់គម្រោងតាមលំដាប់អាទិភាពសម្រាប់ការគៀងគរថវិកា ដើម្បីអនុវត្តក្នុងផែនការប្រចាំឆ្នាំ។
