សកម្មភាពសិក្សាបច្ចុប្បន្នភាព ប្រជាសាស្ត្រ និងសេដ្ឋកិច្ចសង្គមនៅទីជម្រាលអាងស្ទឹងមោងឬស្សី ស្ទឹងដូនទ្រី
ថ្ងៃចន្ទ ០៩ រោច ខែពិសាខ ដល់ថ្ងៃសុក្រ ១៣ រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ២៧ ដល់ថ្ងៃទី៣១ ខែឧសភា ឆ្នាំ ២០១៩ សកម្មភាពក្រុមការងារមន្ត្រីបច្ចេកទេស នាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប ដឹកនាំដោយលោក យ៉ាន់ សំរិទ្ធ ប្រធាននាយកដ្ឋាន បានបន្តចុះអនុវត្តសកម្មភាពលើការសិក្សាពីបច្ចុប្បន្នភាព ប្រជាសាស្ត្រ និងសេដ្ឋកិច្ចសង្គមនៅតាមតំបន់ទីជម្រាលអាងស្ទឹងសំខាន់ៗជុំវិញបឹងទន្លេសាប ជំហាន ២ នៅតំបន់អាងស្ទឹងមោងឬស្សី ស្ទឹងដូនទ្រី ក្នុងខេត្តបាត់ដំបង និងខេត្តពោធិ៍សាត់។ ការសិក្សានេះ ដើម្បីធ្វើបច្ចុប្បន្នភាពប្រជាស្រាស្ត្រ សេដ្ឋកិច្ច សង្គមកិច្ច និងសារៈប្រយោជន៍ បញ្ហាប្រឈម រួមទាំងយន្តការក្នុងការគ្រប់គ្រង និងអភិវឌ្ឍន៍ទីជម្រាលអាងស្ទឹងមោងឬស្សី ស្ទឹងដូនទ្រី ប្រកបដោយប្រសិទ្ធភាព និងមាននិរន្តរភាព ។
