សកម្មភាពការសិក្សាពីការគ្រប់គ្រង និងទំនាស់អត្ថប្រយោជន៍ក្នុងការប្រើប្រាស់ធនធានធម្មជាតិ
ថ្ងៃអង្គារ ០៣ រោច ដល់ថ្ងៃសុក្រ ០៦ រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ២១ ដល់ថ្ងៃទី ២៤ ខែឧសភា ឆ្នាំ ២០១៩ មន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ ដឹកនាំដោយលោក យ៉ាន់ សំរិទ្ធ ប្រធាននាយកដ្ឋាន បានបន្តចុះអនុវត្តសកម្មភាពការសិក្សាពីការគ្រប់គ្រង និងទំនាស់អត្ថប្រយោជន៍ក្នុងការប្រើប្រាស់ធនធានធម្មជាតិប្រកបដោយសមធម៌ និងចីរភាព ស្ថិតនៅក្នុងភូមិសាស្ត្រសហគមន៍នេសាទបឹងអន្លង់ព្រីង ឃុំអន្លង់វិល ស្រុកកណ្ដៀង ខេត្តពោធិ៍សាត់។
ការសិក្សានេះ ដើម្បីស្វែងយល់ពីទំនាស់អត្ថប្រយោជន៍ Conflict Interest រវាងបណ្ដាអ្នកពាក់ព័ន្ធតាមរយៈការប្រើប្រាស់ និងការទាញយកធនធានធម្មជាតិ រួមទាំងវិធីសាស្ត្រ និងយន្តការក្នុងដោះស្រាយបញ្ហា ក្នុងការគ្រប់គ្រងធនធានធម្មជាតិក្នុងសហគមន៍ឱ្យមាននិរន្តរភាព ។
