សកម្មភាពសិក្សាពីការគ្រប់គ្រងកាកសំណល់រឹងនៅតំបផាត់សណ្តាយ
ថ្ងៃ ពុធ ៥រោជ ខែ ចេត្រ ដល់ថ្ងៃ សៅរ៍ ៨រោជ ខែចេត្រ ឆ្នាំកុរ ឯកស័ក ព.ស ២៥៦២ ត្រូវនឹងថ្ងៃទី២៤ ដល់ថ្ងៃទី២៧ ខែមេសា ឆ្នាំ២០១៩ ដែលដឹកនាំដោយ ឯកឧត្តម ខូវ មាស អគ្គលេខាធិការរង នៃអាជ្ញាធរទន្លេសាប បានបន្តចុះសិក្សាស្រាវជ្រាវ និងលើកកម្ពស់ការយល់ដឹងអំពីការគ្រប់គ្រងកាក សំណល់រឹងដែលបណ្ដាលមកពីការចោលឧបករណ៍នេសាទ ទីតាំងស្ថិតក្នុងភូមិបណ្តែតទឹកផាត់សណ្ដាយ ឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ។ គោលបំណង ដើម្បីផ្សព្វផ្សាយស្ដីពីទិន្នន័យគោល នៃបរិមាណជាមធ្យមនៃការបោះចោលកាកសំណល់រឹង និងសំណល់ ឧបករណ៍នេសាទ ជាពិសេស ធ្វើការផ្សព្វផ្សាយ ស្ដីពីលក្ខណ:ទូទៅនៃកាកសំណល់រឹង ប្រភេទ ប្រភព ផលប៉ះពាល់នៃកាកសំណល់រឹង និងរបៀបនៃការគ្រប់គ្រងកាកសំណល់រឹងប្រកបដោយប្រសិទ្ធិភាព។
