សកម្មភាពអញ្ជើញចូលរួមតាមដានការអនុវត្តគោលនយោបាយយុទ្ធសាស្ត្រចតុកោណដំណាក់កាលទី៤
នាថ្ងៃពុធ ៥ រោច ខែចេត្រ ឆ្នាំកុរ ឯកស័ក ពុទ្ធសករាជ ២៥៦២ ត្រូវនឹងថ្ងៃទី២៤ ខែ មេសា ឆ្នាំ២០១៩ ឯកឧត្តម ហ៊ែល តូនី អនុប្រធាន អាជ្ញាធរទន្លេសាប បានអញ្ញើញចូលរួមវេទិកាសាធារណៈ ក្រុមការងារថ្នាក់ជាតិចុះមូលដ្ឋានខេត្តរតនៈគីរី ក្នុងស្មារតីចូលរួមលើកកម្ពស់ និងពង្រឹងប្រសិទ្ធភាពការអនុវត្តគោលនយោបាយរបស់រាជរដ្ឋាភិបាលអាណត្តិទី ៦ ក្នុងការដាក់ចេញយុទ្ធសាស្ត្រចតុកោណដំណាក់កាលទី ៤ (ដើម្បីកំណើន ការងារ សមធម៌ និងប្រសិទ្ធភាព កសាងមូលដ្ឋានឆ្ពោះទៅសម្រេចចក្ខុវិស័យកម្ពុជាឆ្នាំ ២០៥០) ។ តាមរយៈសកម្មភាពនេះ ត្រូវខិតអោយជិតជាមួយមន្ត្រីនិងប្រជាជនថ្នាក់ក្រោមជាតិ និងមូលដ្ឋានសហគមន៍ ដោយការស្តាប់ពីទុក្ខលំបាក ជជែកស្វែងយល់ពីបញ្ហាតម្រូវការ និងទទួលយកការចូលរួមយោបល់ រួមជាមួយការផ្តល់គំនិតតាមការពន្យល់ពីសារគន្លឹះគោលនយោបាយរាជរដ្ឋាភិបាល និងដំណោះស្រាយប្រកបដោយប្រសិទ្ធភាព និងសុខដុមនីយកម្មក្នុងមូលដ្ឋាន សំដៅរក្សាបាននូវសុខសន្តិភាព ជីវភាពថ្កើងថ្កាន សំដៅកាត់បន្ថយភាពក្រីក្រ និងផលប៉ះពាល់ដល់បរិស្ថានធនធានធម្មជាតិនៅតាមមូលដ្ឋាន ។
