សកម្មភាពសិក្សាពីការប្រមូល និងការគ្រប់គ្រងទឹកភ្លៀងនៅតាមទីជនបទ
ថ្ងៃ ពុធ ១៤រោច ខែផល្គុន ដល់ថ្ងៃសុក្រ ១កើត ខែចេត្រ ឆ្នាំ ច សំរឹទ្ធិស័ក ព.ស ២៥៦២ ត្រូវនឹងថ្ងៃទី ៣ ដល់ថ្ងៃទី ៥ ខែមេសា ឆ្នាំ ២០១៩ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានដឹកនាំក្រុមការងារបច្ចេកទេសចុះសិក្សាពីការប្រមូល និងការគ្រប់គ្រងទឹកភ្លៀងនៅតាមទីជនបទ និងទីប្រជុំជន នៅក្នុងតំបន់កំពង់ត្រឡាច ស្រុកកំពង់ត្រឡាច និងតំបន់ក្រុងកំពង់ឆ្នាំង ខេត្តកំពង់ឆ្នាំង ។ ការចុះសិក្សានេះមានគោលបំណងសំខាន់ៗគឺ៖
១. ធ្វើបច្ចុប្បន្នភាពឯកសារទិន្នន័យ និងការប្រើប្រាស់ទឹកភ្លៀងនៅតាមតំបន់សិក្សា
២. ប្រមូលព័ត៌មាន ទិន្នន័យ និងការប្រើប្រាស់ទឹកភ្លៀងនៅតាមទីតាំងសិក្សានីមួយៗខាងលើ
៣. វាយតម្លៃពីការប្រើប្រាស់ទឹកភ្លៀង និងវិធីសាស្ត្រនៃការរក្សាទឹកភ្លៀងទុកនៅតាមតំបន់សិក្សា
៤. រៀបចំចងក្រងរបាយការណ៍ក្នុងគោលដៅសិក្សាខាងលើជាប្រចាំ ។
