ការសិក្សាអំពីការកែច្នៃ និងការធ្វើអាជីវកម្មប្រហុកនៅខេត្តពោធិ៍សាត់
ថ្ងៃ ចន្ទ ១៣ កើត ដល់ ថ្ងៃ ព្រហស្បតិ៍ ១ រោច ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ ខែមីនា ដល់២១ ខែមីនា ឆ្នាំ២០១៩ ក្រុមការងារនៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចុះសិក្សាអំពីការកែច្នៃ និងការធ្វើអាជីវកម្មប្រហុកនៅខេត្តពោធិ៍សាត់ ។
ការសិក្សានេះមានគោលបំណងសំខាន់ៗ គឺ ÷
- តាមដានបរិមាណនៃការកែច្នៃ និងកាធ្វើអាជីវកម្មប្រហុក
- សិក្សាចរន្តទីផ្សារនៃការកែច្នៃ និងបច្ចេកទេសនៃការកែច្នៃប្រហុកដែលមិនមានផលប៉ះពាល់ដល់សុខភាពអ្នកប្រើប្រាស់
- ស្វែងយល់ពីកត្តាវិជ្ជមាន និងអវិជ្ជមាននៃការកែច្នៃ
- រៀបចំចងក្រងសៀវភៅស្តីពីការកែច្នៃ និងកាធ្វើអាជីវកម្មប្រហុក ។
