កិច្ចប្រជុំពិគ្រោះយោបល់សំណើគម្រោងវារីអគ្គិសនីប៉ាក់ឡាយរបស់ឡាវ
ថ្ងៃសុក្រ ១០កើតខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ១៥ ខែមីនា ឆ្នាំ២០១៩ ឯកឧត្តម ម៉ៅ ហាក់ អគ្គលេខាធិការរង នៃអាជ្ញាធរទន្លេសាប បានអញ្ជើញចូលរួមកិច្ចប្រជុំពិគ្រោះយោបល់ថ្នាក់ជាតិលើកទី៣ ស្តីពី ដំណើការពិគ្រោះយោបល់នៃសំណើគម្រោងវារីអគ្គិសនីប៉ាក់ឡាយរបស់ឡាវ នៅខេត្តកំពង់ចាម ។ កិច្ចប្រជុំនេះមានការចូលរួមពីក្រសួង ស្ថាប័នពាក់ព័ន្ធ និងអង្គការជាតិ-អន្តរជាតិ ព្រមទាំងជំនាញការជាតិ ក្នុងគោលបំណង ៖
- ពិនិត្យ និងផ្តល់យោបល់ចុងក្រោយ លើរបាយការណ៍សិក្សាគម្រោងវារីអគ្គិសនីប៉ាក់ឡាយ ដែលបានពិនិត្យ និងផ្តល់យោបល់ដោយលេខាធិការដ្ឋានគណកម្មការទន្លេមេគង្គ ។
- ពិនិត្យពិភាក្សា និងរៀបចំផ្តល់ជាអនុសាសន៍ដល់ភាគីឡាវវិញ ដើម្បីបំពេញនូវលិខិតឆ្លើយតប (reply form) ដើម្បីដាក់ចូលក្នុងកិច្ចប្រជុំ JC ក្នុងខែមេសា ខាងមុននេះ ។
- ព្រមទាំងរៀបចំសេចក្តីព្រាង នូវសេចក្តីថ្លែងការរួម លើគម្រោងវារីអគ្គិសនីប៉ាក់ឡាយនេះ ។
