សិក្ខាសាលាស្តីពី ការបញ្ជ្រាបយុទ្ធសាស្ត្រ និងផែនការសកម្មភាពបន្ស៊ាំនឹងការប្រែប្រួលអាកាសធាតុរបស់គណៈកម្មការទន្លេមេគង្គ
ថ្ងៃពុធ ១០ រោច ខែបុស្ស ឆ្នាំច សំរឹទិ្ធស័ក ព.ស ២៥៦២ ត្រូវនឹងថ្ងៃទី ៣០ ខែមករា ឆ្នាំ២០១៩ លោក ណុំ សោភារិទិ្ធ អនុប្រធាននាយកដ្ឋានត្រួតពិនិត្យអាជីវកម្ម និងអភិរក្ស នៃអគ្គលេខាធិការដ្នានអាជ្ញាធរទន្លេសាបបានចូលរួមសិក្ខាសាលាពិគ្រោះយោបល់ថា្នក់ជាតិស្តីពី ការបញ្ជ្រាបយុទ្ធសាស្ត្រ និងផែនការសកម្មភាពបន្ស៊ាំនឹងការប្រែប្រួលអាកាសធាតុរបស់គណៈកម្មការទន្លេមេគង្គ ទៅក្នុងការងារថ្នាក់ជាតិ។ អង្គសិក្ខាសាលាបានរៀបចំឡើងនៅសណ្ឋាគារអង្គរប៉ារ៉ាឌីក្នុងខេត្តសៀមរាប ដោយលេខាធិការដ្ឋានគណៈកម្មការទន្លេមេគង្គ ដែលមានអ្នកចូលរួមមកពីស្ថាប័នពាក់ព័ន្ធនានាដូចជា៖ ក្រសួងបរិស្ថាន កសិកម្ម អភិវឌ្ឍន៍ជនបទ រ៉ែនិងថាមពល ផែនការ ធនធានទឹក សាធារណការនិងដឹកជញ្ជូន អាជ្ញាធរទន្លេសាប គណៈកម្មាធិការជាតិទន្លេមេគង្គកម្ពុជា និងលេខាធិការដ្ឋានគណៈកម្មការទន្លេមេគង្គ។
