ការសិក្សាបច្ចុប្បន្នភាពប្រជាសាស្ត្រ និងសេដ្ឋកិច្ចសង្គមអាងស្ទឹងនៅខេត្តសៀមរាប
នាថ្ងៃពុធ ៦ រោច ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី28 វិច្ឆិកា ឆ្នាំ2018 លោក យ៉ាន់ សំរិទ្ធ ប្រធាននាយកដ្ឋាន
បានដឹកនាំមន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ នៃអគ្គលេខាធិការដ្ឋាន អាជ្ញាធរទន្លេសាបបន្តចុះបញ្ចប់ការអនុវត្តសកម្មភាពការសិក្សាស្រាវជ្រាវពីបច្ចុប្បន្នភាពប្រជាសាស្ត្រ និងសេដ្ឋកិច្ចសង្គមនៅតាមតំបន់ទីជម្រាលជុំវិញបឹងទន្លេសាបនៃផែនការសកម្មភាពឆ្នាំ2018 ជំហាន1 ស្ថិតនៅទីតាំងភូមិសាស្ត្រអាងស្ទឹងសៀមរាប ស្រុកពួក សូទ្រនិគម ប្រាសាទបាគង និងក្រុងសៀមរាប ខេត្តសៀមរាប។ ការសិក្សានេះ ដើម្បីធ្វើបច្ចុប្បន្នភាពប្រជាស្រាស្ត្រ សេដ្ឋកិច្ចសង្គម និងស្វែងយល់ពីសារៈប្រយោជន៍ និងយន្តការការគ្រប់គ្រង និងអភិវឌ្ឍន៍អាងស្ទឹងប្រកបដោយប្រសិទ្ធភាព និរន្តភាព នៅពេលដែលមានកំណើនប្រជាពលរដ្ឋ និងការអភិវឌ្ឍន៍ក្នុង-ក្រៅធ្វើឲ្យការប្រើប្រាស់ធនធានធម្មជាតិ ព្រៃគម្របទីជម្រាលដីសើមផ្ទៃអាងស្ទឹងលើសកម្រិត និងការចូលរួមគ្រប់គ្រង អភិវឌ្ឍន៍និងអភិរក្សនៅមានកម្រិត ។
