ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ដឹកនាំកិច្ចប្រជុំការងារអាជ្ញាធរទន្លេសាប
ព្រឹកថ្ងៃអង្គារ ១៣កើត ខែកត្តិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២០ ខែវិច្ឆិកា ឆ្នាំ ២០១៨ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានជួបប្រជុំសំណេះសំណាលការងារជាមួយថ្នាក់ដឹកនាំ និងមន្ត្រីថ្នាក់នាយកដ្ឋាន នៃអាជ្ញាធរទន្លេសាប នៅសាលប្រជុំអាជ្ញាធរទន្លេសាប។ ឯកឧត្តមរដ្ឋមន្ត្រី បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ត្រីគ្រប់លំដាប់ថ្នាក់នៃអាជ្ញាធរទន្លេសាប និងកិច្ចសហការ ការចូលរួមយ៉ាងសកម្មប្រកបដោយប្រសិទ្ធភាពរបស់ក្រសួង ស្ថាប័ន និងអាជ្ញាធរពាក់ព័ន្ធ ដែលនាំឲ្យសម្រេចនូវសមិទ្ធផលគួរជាទីមោទនៈរហូតដល់ពេលនេះ។ ដើម្បីបង្កើនប្រសិទ្ធភាពការងារសម្រាប់អាជ្ញាធរទន្លេសាប ឲ្យបានកាន់តែប្រសើរថែមទៀត ឯកឧត្តម រដ្ឋមន្ត្រី បានធ្វើការផ្តាំផ្ញើដល់ថ្នាក់ដឹកនាំ និងអគ្គលេខាធិការដ្ឋានអាជ្ញាធរទន្លេសាប ដូចខាងក្រោម ៖
- ត្រូវបន្តការតាមដាន និងសិក្សាស្រាវជ្រាវបន្ថែមទៀត
- ត្រូវពង្រឹងសមត្ថភាពជាប្រចាំឲ្យបានប្រសើរទាំងជំនាញបច្ចេកទេស និងបច្ចេកវិទ្យា
- ត្រូវមានស្មារតីទទួលខុសត្រូវ និងសហការគ្នាល្អក្នុងការបំពេញការងារ
- ត្រូវបង្កើនសុខុដុមរមនីយកម្មក្នុងស្ថាប័ន។
