សកម្មភាពចុះសិក្សាពីស្ថានភាពសហគមន៍ក្នុងដំណើរការគ្រប់គ្រង អភិវឌ្ឍន៍ និងវិវាទទំនាស់អត្ថប្រយោជន៍ក្នុងការប្រើប្រាស់ធនធានធម្មជាតិនៅតំបន់បឹងទន្លេសាប
នាថ្ងៃអង្គារ ៦កើត ខែកត្តិក ឆ្នាំច សំរឹត្ធិស័ក ព.ស ២៥៦២ ត្រូវនឹងថ្ងៃទី ១៣ ខែវិច្ឆិកា ឆ្នាំ២០១៨ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានដឹកនាំមន្ត្រីបច្ចេកទេសនាយកដ្ឋាននីតិកម្ម និងផ្សព្វផ្សាយ នៃអគ្គលេខាធិការដ្ឋាន អាជ្ញាធរទន្លេសាប បន្តចុះអនុវត្តន៍បញ្ចប់ផែនការសកម្មភាពប្រចាំឆ្នាំ២០១៨ លើការសិក្សាស្រាវជ្រាវពីស្ថានភាពសហគមន៍ក្នុងដំណើរការគ្រប់គ្រង និងអភិវឌ្ឍន៍ បរិស្ថានធនធានធម្មជាតិ និងសិក្សាពីការគ្រប់គ្រង និងដំណោះស្រាយវិវាទទំនាស់អត្ថប្រយោជន៍ក្នុងការប្រើប្រាស់ធនធានធម្មជាតិប្រកបដោយសមធម៌ និងចីរភាព ស្ថិតនៅក្នុងភូមិសាស្ត្រសហគមន៍នេសាទផាត់សណ្ដាយ ឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ និងនៅតំបន់សហគមន៍នេសាទកំពង់ប្រាក់ ស្ថិតនៅក្នុងឃុំស្នាអន្សារ ស្រុកក្រគរ ខេត្តពោធិ៍សាត់។
