កិច្ចប្រជុំពិភាក្សាលើសេចក្តីព្រាងរៀបចំកសាងផែនការយុទ្ធសាស្ត្រប្រាស្រ័យទាក់ទងអាជ្ញាធរទន្លេសាប ២០១៨-២០២០
នារសៀសថ្ងៃពហស្បតិ៍ ៣កើត ខែជេស្ធ ឆ្នាំច សំរិទ្ធសក័ ព.ស ២៥៦២ ត្រូវនិងថ្ងៃទី ១៧ ខែឧសភា ឆ្នាំ ២០១៨ នៅសាលប្រជុំអគ្គលេខាធិការដ្ឋាន អាជ្ញាធរទន្លេសាប ឯកឧត្តម ហ៊ែល តូនី អគ្គលេខាធិការ បានសម្របសម្រួលដឹកនាំកិច្ចប្រជុំពិភាក្សាលម្អិតលើកទី ២ ជាមួយមន្ត្រីថ្នាក់ដឹកនាំអគ្គលេខាធិការដ្ឋាន និងថ្នាក់នាយកដ្ឋាន ក្រោមឱវាទអាជ្ញាធរទន្លេសាប ដើម្បីពិនិត្យកែសម្រួលលើសេចក្តីព្រាងរៀបចំកសាងផែនការយុទ្ធសាស្ត្រប្រាស្រ័យទាក់ទង Strategic សម្រាប់អាជ្ញាធរទន្លេសាប ២០១៨-២០២០ (Communication Plan For Tonle Sap Authority 2018-20120) ក្នុងពង្រឹងការអនុវត្តផែនការយុទ្ធសាស្ត្ររបស់អាជ្ញាធរទន្លេសាប ២០១៦-២០២០ ។ ជាក់ស្តែង ការរៀបចំកសាងឯកសារយុទ្ធសាស្ត្រខាងលើនេះ គឺដើម្បីជម្រុញប្រសិទ្ធភាពការងារក្នុងការចែករំលែកការយល់ដឹង បទពិសោធន៍ និងផ្សព្វផ្សាយព័ត៌មាន ទិន្នន័យ បទដ្ឋានគតិយុត្តពាក់ព័ន្ធ រួមជាមួយលទ្ធផលការងារបានមកពីការសិក្សាស្រាវជ្រាវ ទៅដល់ក្រសួងស្ថាប័ន ថ្នាក់ជាតិ ថ្នាក់ក្រោមជាតិ ថ្នាក់មូលដ្ឋានសហគមន៍ ថ្នាក់អន្តរជាតិ ថ្នាក់តំបន់ ដៃគូរអភិវឌ្ឍន៍ និងភាគីពាក់ព័ន្ធនានា ជាពិសេសការពង្រឹងពង្រីកកិច្ចសហប្រតិបត្តិការ ក្នុងការចូលរួមការគ្រប់គ្រង អភិរក្ស និងអភិវឌ្ឍន៍ធនធានដ៏កម្រនៅតំបន់ទន្លេសាប ។
