សកម្មភាពចុះសិក្សាពីស្ថានភាពផលិតកម្មកសិកម្ម របស់ប្រជាកសិករក្នុងតំបន់ជុំវិញបឹងទន្លេសាប
នាថ្ងៃ ច័ន្ទ ៨ រោច ខែពិសាខ ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី ៧ ខែ ឧសភា ឆ្នាំ ២០១៨ ឯកឧត្តម មាស អឿន ទីប្រឹក្សាអាជ្ញាធរទន្លេសាប បានដឹកនាំមន្ត្រីបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បន្តចុះសិក្សាស្រាវជ្រាវពីស្ថានភាពផលិតកម្មកសិកម្ម ការប្រើប្រាស់ជី ថ្នាំសម្លាប់សត្វល្អិត ក្នុងវិស័យកសិកម្មរបស់ប្រជាកសិករក្នុងតំបន់ជុំវិញបឹងទន្លេសាប ស្ថិតក្នុងភូមិសាស្ត្រស្រុកប្រាសាទបាគង ស្រុកពួក និងស្រុកក្រឡាញ់ ខេត្តសៀមរាប។ ការសិក្សានេះ ដើម្បីប្រមូលទិន្នន័យ ព័ត៌មាន ពាក់ព័ន្ធនឹង៖
- បរិមាណផ្ទៃដីបង្កបង្កើនផល
- ប្រភេទពូជដំណាំកសិកម្ម វិធីសាស្ត្រ និងបច្ចេកទេសដាំដុះ
- ប្រភេទជីកសិកម្ម (ឈ្មោះជី ប្រភពជី រយៈពេលប្រើប្រាស់ តម្លៃ ។ល។)
- ប្រភេទថ្នាំពុលកសិកម្មមានដូចជា៖ ថ្នាំសម្លាប់សត្វល្អិត ថ្នាំជំងឺ ថ្នាំបំប៉ន និងថ្នាំសម្លាប់ស្មៅ (ឈ្មោះថ្នាំ ប្រភពថ្នាំ សារធាតុសកម្ម រយៈពេលប្រើប្រាស់ តម្លៃ ។ល។) ។
