កាលពីថ្ងៃអង្គារ ៣កើត ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៦ ខែសីហា ឆ្នាំ២០២៥ លោក អ៊ុក បញ្ញារិទ្ធ អនុប្រធាននាយដ្ឋានរដ្ឋបាល ផែនការ និងសហប្រតិបត្តិការ បានដឹកនាំក្រុមការងារការិយាល័យផែនការ និងសហប្រតិបត្តិការ ចុះអនុវត្តន៍គម្រោងសកម្មភាពការងារតាមដាន វាយតម្លៃ និងចងក្រងគម្រោងដែលមាននៅតំបន់ទន្លេសាប និងតំបន់ពាក់ព័ន្ធ ស្ថិតនៅស្រុកកណ្តៀង ខេត្តពោធិ៍សាត់។ ការចុះអនុវត្តន៍សកម្មភាពនេះក្រុមការងារបានជួបពិភាក្សាការងារជាមួយ លោកអភិបាលរងស្រុក ការិយាល័យផែនការ និងគាំទ្រឃុំ/សង្កាត់ និងការិយាល័យកសិកម្ម ធនធានធម្មជាតិ និងបរិស្ថាន នៃស្រុកកណ្តៀង។
សូមជម្រាបជូនថា សកម្មភាពខាងលើនេះមានគោលបំណងសម្រាប់ធ្វើបច្ចុប្បន្នភាពគម្រោងកម្រិតថ្នាក់ស្រុកដែលកំពុងដំណើរការ គម្រោងវិនិយោគដែលមិនទាន់មានការសន្យាគាំទ្រ និងគម្រោងវិនិយោគដែលមានការសន្យាគាំទ្រ នៅតំបន់ទន្លេសាប និងតំបន់ពាក់ព័ន្ធ និងធ្វើការតាមដានត្រួតពិនិត្យថាតើគម្រោងអាទិភាពសំខាន់ៗមានការជះឥទ្ធិពលជាវិជ្ជមាន និងអវិជ្ជមានដល់វិស័យអ្វីខ្លះ! នៅបឹងទន្លេសាប និងតំបន់ពាក់ព័ន្ធ៕
