នាព្រឹកថ្ងៃពុធ ១០រោច ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៩ ដោយបានទទួលការអនុញ្ញាតពីឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អមដោយឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានអញ្ជើញចូលរួមកិច្ចប្រជុំពិភាក្សាលើសំណើសុំអន្តរាគមន៍ប្រើប្រាស់អាស្រ័យផល និងអភិវឌ្ឍន៍លើផ្ទៃដីទំហំ ៧៧,០៣ ហិកតា ស្ថិតក្នុងភូមិជ្រាវ សង្កាត់ជ្រាវ ក្រុងសៀមរាប ខេត្តសៀមរាប របស់ឈ្មោះ គង់ មង្គល ក្រោមអធិបតីភាព ឯកឧត្តម តឹក រ៉េតសំរេច រដ្ឋលេខាធិការប្រចាំការ ក្រសួងរៀបចំដែនដី នគរូបនីយកម្ម និងសំណង់។ កិច្ចប្រជុំមានការអញ្ជើញចូលរួមពីលោកជំទាវរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ តំណាងរដ្ឋបាលខេត្តសៀមរាប តំណាងរដ្ឋបាលក្រុងសៀមរាប តំណាងមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ចៅសង្កាត់ជ្រាវ និងលោក គង់ មង្គល ព្រមទាំងមេធាវី៕
