នាថ្ងៃចន្ទ ១៣រោច ខែអស្សុជ ដល់ថ្ងៃព្រហស្បតិ៍ ២កើត ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២០ ដល់ថ្ងៃទី២៣ ខែតុលា ឆ្នាំ២០២៥ ក្រុមការងារការិយាល័យព័ត៌មានភូមិសាស្ត្រ និងផែនទី នាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានចុះសិក្សា និងប្រមូលទិន្នន័យពីស្ថាប័នពាក់ព័ន្ធ ដើម្បីរៀបចំផែនទីទន្លេសាប ស្ថិតក្នុងភូមិសាស្ត្រ ខេត្តបន្ទាយមានជ័យ។
ក្នុងដំណើរបេសកកម្មនេះ ក្រុមការងារបាន៖
- ជួបពិភាក្សា ជាមួយនឹងមន្ទីរពាក់ព័ន្ធក្នុងខេត្ត ដេីម្បីប្រមូលយកព័ត៌មានទិន្នន័យ
- សម្ភាសន៍ និងប្រមូលព័ត៌មានទិន្នន័យពី អាជ្ញាធរដែលធ្វេីការក្នុងក្រុង ស្រុក ចំនួន៣មាន ក្រុងសិរីសោភ័ណ ស្រុកព្រះនេត្រព្រះ និងស្រុកមង្គលបូរី ដែលមានការពាក់ព័ន្ធនៃការផលិតផែនទី។
សូមជម្រាបជូនថា ក្រុមការងារចុះសិក្សាមានគោលបំណងសំខាន់នៃការចុះបេសកកម្មគឺ ផលិតផែនទីគោល ជាមូលដ្ឋានទិន្នន័យព័ត៌មានសំខាន់សម្រាប់ការគ្រប់គ្រង និងអភិវឌ្ឍន៍តំបន់ទន្លេសាប ប្រកបដោយប្រសិទ្ធភាព និងភាពចីរភាព៕
