អនុវត្តតាមភារកិច្ចដែលឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាបបានប្រគល់ជូន នៅថ្ងៃចន្ទ ៩រោច ខែបុស្ស ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១២ ខែមករា ឆ្នាំ២០២៦ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប និងជាប្រធានក្រុមការងារ បានអញ្ជើញដឹកនាំមន្ត្រីបច្ចេកទេសអគ្គលេខាធិការដ្ឋាន អាជ្ញាធរទន្លេសាប ចុះត្រួតពិនិត្យ វាយតម្លៃ និងថែទាំឧបករណ៍ស្ថានីយឧតុនិយម និងជលសាស្ត្រ ទទួល និងបញ្ជូនទិន្នន័យស្វ័យប្រវត្តិ (AWS,HR និង HQR)មានចំនួន ៥ ស្ថានីយ លើ ៤ទីតាំង ស្ថិតនៅក្នុងភូមិសាស្ត្រខេត្តកំពង់ធំ ខេត្តបាត់ដំបង និងខេត្តសៀមរាប ក្នុងនោះ មាន៖
- ខេត្តកំពង់ធំ : មាន ២ទីតាំង(HR ចំណុចឃុំត្នោតជុំ នៃស្ទឹងជីនីត និង AWS,HQR ស្ទឹងសែន ឃុំតាអោក)
- ខេត្តសៀមរាប : មានHQR ចំនួន ១ ទីតាំង នៅចំណុចស្រុកក្រឡាញ់ នៃស្ទឹងស្រែង
- ខេត្តបាត់បាត់ដំបង : មានHR ចំនួន ១ ទីតាំង ស្ថិតនៅឃុំកោះជីវាំងនៃស្ទឹងសង្កែ
សូមជម្រាបជូនថា អាជ្ញាធរទន្លេសាប ក្រោមកិច្ចសហប្រតិបត្តិការជាមួយវិទ្យាស្ថានស្រាវជ្រាវជលគតិ ណានជីង (Nanjing Hydraulic Research Institute-NHRI) និងវិទ្យាស្ថានស្រាវជ្រាវណានជីងផ្នែកជលសាស្ត្រ និងប្រព័ន្ធស្វ័យប្រវត្តិកម្មសម្រាប់ការអភិរក្ស (Nanjing Research Institute Hydrology and Water Conservation Automation-NIHWA)បានអនុវត្តគម្រោងសាកល្បងបច្ចេកវិទ្យាតាមដាន ទទួល និងបញ្ជូនទិន្នន័យ ជលសាស្ត្រ-ឧតុនិយម និងអាកាសធាតុនៅក្នុងអាងបឹងទន្លេសាប ដែលមាន ១១ ស្ថានីយ លេី ៨ ទីតាំង និងMaster Station នៅអាជ្ញាធរទន្លេសាប៕
