នាថ្ងៃសុក្រ ១២រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែកញ្ញា ឆ្នាំ២០២៥ លោក លឹម ហេង អនុប្រធាននាយកដ្ឋាន និងមន្ត្រីបច្ចេកទេសផ្សព្វផ្សាយព័ត៌មាន នៃអាជ្ញាធរទន្លេសាប រៀបចំផលិតវីដេអូចុះផ្ដិតយកទិដ្ឋភាព ធនធានធម្មជាតិ បរិស្ថាន និងសេដ្ឋកិច្ចសង្គមនៅតំបន់ទន្លេសាប និងតំបន់ពាក់ព័ន្ធ ស្តីពីសកម្មភាពសហគមន៍នេសាទស្រីចឹក ចូលរួមអភិរក្សត្រីមេពូជ ក្នុងភូមិសាស្ត្រឃុំកញ្ជរ ស្រុកកណ្តៀង ខេត្តពោធិ៍សាត់។ ក្នុងការចុះនេះ ក្រុមការងារបានធ្វើការជួបសម្ភាសន៍ជាមួយ គណៈកម្មាការសហគមន៍ សង្កាត់ជលផល ក្នុងកិច្ចការការពារតំបន់អភិរក្ស នៅក្នុងតំបន់សហគមន៍នេសាទស្រីចឹក។
សូមជម្រាបជូនថា សកម្មភាពនេះមានគោលបំណងក្នុងការប្រមូលចងក្រងរូបភាព ដើម្បីរៀបចំផលិតវីដេអូបទយកការណ៍ ស្វែងយល់ពីធនធានជលផល និងការផ្តល់ផលប្រយោជន៍ដល់សហគមន៍ស្វែងយល់ពីសកម្មភាពផ្សេងៗក្នុងកិច្ចការពារតំបន់អភិរក្សឱ្យមានប្រសិទ្ធភាពនឹងដើម្បីធ្វើការផ្សព្វផ្សាយតាមបណ្តាញសង្គមដល់អ្នកពាក់ព័ន្ធចូលរួមបន្តឱ្យសហគមន៍ដំណើរការទៅមុខក្នុងការការពារអភិរក្ស អភិវឌ្ឍន៍ សេដ្ឋកិច្ចសង្គម បរិស្ថាន និងការប្រើប្រាស់ធនធានធម្មជាតិនៅតំបន់ជុំវិញបឹងទន្លេសាប៕
