នាថ្ងៃពុធ ៣ កើត ខែបុស្ស ឆ្នាំរកា ព.ស ២៥៦១ ត្រូវនឹងថ្ងៃទី 20 ខែធ្នូ ឆ្នាំ 2017 ក្រុមការងារមន្ត្រីបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប ដឹកនាំដោយ ឯកឧត្តម មាស អឿន ទីប្រឹក្សា អាជ្ញាធរទន្លេសាប បានបន្តចុះសិក្សាស្រាវជ្រាវពីស្ថានភាពផលិតកម្មកសិកម្ម ការប្រើប្រាស់ជី ថ្នាំសម្លាប់សត្វល្អិត ក្នុងវិស័យកសិកម្មរបស់ប្រជាកសិករក្នុងតំបន់ជុំវិញបឹងទន្លេសាប ស្ថិតក្នុងភូមិសាស្ត្រ ស្រុកបារាយណ៍ ក្រុង ស្ទឹងសែន ខេត្តកំពង់ធំ និងស្រុកជីក្រែង ខេត្តសៀមរាប ។ ការចុះសិក្សា ដើម្បីប្រមូលទិន្នន័យ ព័ត៌មាន ៖
- បរិមាណផ្ទៃដីបង្កបង្កើនផល
- ប្រភេទពូជដំណាំកសិកម្ម
- វិធីសាស្ត្រ និងបច្ចេកទេសដាំដុះ
- ប្រភេទជីកសិកម្ម (ឈ្មោះជី ប្រភពជី រយៈពេលប្រើប្រាស់ តម្លៃ ។ល។)
- ប្រភេទថ្នាំសម្លាប់សត្វល្អិត (ឈ្មោះថ្នាំ ប្រភពថ្នាំ សារធាតុសកម្ម រយៈពេលប្រើប្រាស់ តម្លៃ ។ល។) ។