ឯកឧត្តម ហ៊ែល តូនី អគ្គលេខាធិការ ជួបពិភាក្សាការងារជាមួយតំណាគណៈប្រតិភូចិន
នារសៀលថ្ងៃព្រហស្បតិ៍ ១១ រោច ខែមិគសិរ ឆ្នាំរកា ព.ស ២៥៦១ ត្រូវនឹងថ្ងៃទី ១៤ ខែធ្នូ គ.ស ២០១៧ នៅអគ្គលេខាធិការដ្ឋាន នៃអាជ្ញាធរទន្លេសាប ឯកឧត្តម ហ៊ែល តូនី អគ្គលេខាធិការ រួមជាមួយមន្ត្រីបច្ចេកទេសក្រោមឱវាទ បានទទួលជំនូបពិភភាក្សាជាមួយគណៈប្រតិភូចិន តំណាងក្រុមហ៊ុន HOADONG ENGINEERING CORPORATION LIMITED ពិភាក្សាស្វែងយល់សកម្មភាពការងារ គោលបំណង និងផ្តួចផ្តើមគំនិតរៀបចំកម្មវិធីគម្រោងកិច្ចសហប្រតិបត្តិការលើកកម្ពស់ដល់ការគ្រប់គ្រង អភិរក្ស និងអភិវឌ្ឍន៍ប្រព័ន្ធអេកូឡូស៊ី (Ecology) និងទេសចរធម្មជាតិ (Ecotourist) ប្រកបដោយចិរភាពនៅតំបន់បឹងទន្លេសាប និងតំបន់ពាក់ព័ន្ធ។ ភាគីទាំងពីរ បានឯកភាពដល់ភាគីតំណាងសាធារណរដ្ឋប្រជាមានិតចិនស្នើសុំគោលការណ៍មករាជរដ្ឋាភិបាលកម្ពុជាដើម្បីបង្កើតក្រុមការងារបច្ចកទេសសិក្សារួមក្នុងរោបចំគម្រោង ហើយសំណើនេះ នឹងដាក់ជូនថ្នាក់ដឹកនាំស្ថាប័ន/អង្គភាព និងរាជរដ្ឋាភិបាលនៃប្រទេសទាំងពីរ ធ្វើការពិនិត្យ និងសម្រេចចិត្តក្នុងការគាំទ្រដល់ដំណើរការអនុវត្ត បន្ទាប់ពីមានការសិក្សាច្បាស់លាស់។
