ថ្ងៃទី ១៦ ដល់ថ្ងៃទី ១៩ ខែសីហា ឆ្នាំ២០១៧ ឯកឧត្តម ខូវ មាស អគ្គលេខាធិការរងអាជ្ញាធរទន្លេសាប បានដឹកនាំក្រុមការងារអាជ្ញាធរទន្លេសាប បន្តចុះសិក្សាស្រាវជ្រាវអំពី សក្តានុពលតំបន់អេកូ ទេសចរណ៍ធម្មជាតិបឹងទន្លេសាប នៅក្នុងភូមិសាស្ត្រភូមិបណ្តែតទឹកផ្សារឆ្នាំង ខេត្តកំពង់ឆ្នាំង។ ក្រុមការងារបានចុះជួប ពិភាក្សាជាមួយតំណាងសមាគមន៍ទ្រទ្រង់ជីវភាពអាជីវករ នៃអាជីវកម្មទូកដឹកភ្ញៀវទេសចរណ៍ និងបានជួបពិភាក្សាការងារជាមួយមន្ត្រីមន្ទីរទេសចរណ៍ខេត្តកំពង់ឆ្នាំង ដើម្បីសិក្សាស្វែងយល់អំពីសក្តានុពលទេសចរណ៍ដែលមាននៅក្នុងតំបន់។ ក្រុមការងារបានបន្តចុះពិនិត្យមើលសិប្បកម្មធ្វើចង្គ្រានដី ដែលសិប្បកម្មនេះមានភ្ញៀវទេសចរណ៍ ចូលមកទស្សនាជាច្រើនក្នុងមួយឆ្នាំៗ។