សកម្មភាពសិក្សាស្រាវជ្រាវពីកាកសំណល់នៅតំបន់ភូមិបណ្តែតទឹកនៅខេត្តសៀមរាប
នាថ្ងៃទី ១៩-២២ ខែកក្កដា ឆ្នាំ២០១៧ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានដឹកនាំ ក្រុមការងារមន្ត្រីបច្ចេកទេសអគ្គលេខាធិការដ្ឋាន នៃអាជ្ញាធរទន្លេសាប បានបន្តចុះសិក្សាស្រាវជ្រាវ អំពីបញ្ហាប្រឈមនៃកាកសំណល់រឹងនៅភូមិបណ្តែតទឹក និងនៅតាមមាត់បឹងទន្លេសាប ។ ក្រុមការងារ បានជួបប្រជុំជាមួយក្រុមប្រឹក្សាឃុំ ភូមិ តំណាងប្រជាជន សហគមន៍ទេសចរណ៍កំពង់ឃ្លាំង មន្ត្រីបរិស្ថាន និងនាយករងតំបន់ប្រើប្រាស់ច្រើនយ៉ាងបឹងទន្លេសាប ស្ថិតក្នុង ឃុំកំពង់ឃ្លាំង ស្រុកសូទ្រនិគម ខេត្តសៀមរាប ដោយបានពិភាក្សាអំពីបញ្ហាប្រឈម និងផលប៉ះពាល់នៃការគ្រប់គ្រងកាកសំណល់រឹងនៅតំបន់បឹងទន្លេសាប។
