ឯកឧត្តម ហ៊ែល តូនី អគ្គលេខាធិការ ទទួលជំនូបពិគ្រោះយោលបល់ជាមួយប្រតិភូមជ្ឈមណ្ឌលសហប្រតិបត្តិការអាស៊ាន-ចិន(China-ASEAN Environmental Cooperation Center)
រសៀលថ្ងៃទី ២៧ ខែមិថុនា ឆ្នាំ២០១៧ នៅសាលប្រជុំអាជ្ញាធរទន្លេសាប (MRCs) រាជធានីភ្នំពេញ ឯកឧត្តម ហ៊ែល តូនី អគ្គលេខាធិការ បានដឹកនាំមន្ត្រីជំនាញក្រោមឱវាទអាជ្ញាធរទនេ្លសាប ទទួលជួបពិគ្រោះយោបល់ជាមួយប្រតិភូមជ្ឈមណ្ឌលសហប្រតិបត្តិការអាស៊ាន-ចិន China-ASEAN Environmental Cooperation Center ដើម្បីស្វែងយល់ពីសក្តានុពលរបស់ប្រទេសកម្ពុជា ពាក់ព័ន្ធនឹងការអភិវឌ្ឍ កិច្ចគាំពារបរិស្ថានក្នុងតំបន់ទន្លេសាប ។
គោលបំណងសំខាន់ៗនៃការជួបពពិគ្រោះយោបល់ ដើម្បីស្វែងយល់ជារួម៖
១. ស្វែងយល់ពីតួនាទីភារកិច្ច និងដំណើរការងារជាយុទ្ធសាស្ត្ររបស់អាជ្ញាធរទន្លេសាប ជាមួយនឹងតំបន់បឹងទន្លេសាប និងផែនការអភិវឌ្ឍក្នុងតំបន់របស់បឹងទន្លេសាប
២. ស្វែងយល់ពីកិច្ចសហប្រតិបត្តិ តាមរយៈការចែករំលែកព័ត៌មាន បទពិសោធន៍ និងការផ្លាស់ប្តូរចំណេះដឹងធនធានមនុស្សក្នុងកិច្ចអភិវឌ្ឍ និងកិច្ចគាំបរិស្ថាន ជាពិសេសសុខមាលភាពបឹង ។
