នាថ្ងៃទី ២៣ ខែមិថុនា ឆ្នាំ ២០១៧ នៅខេត្តសៀមរាប ឯកឧត្តម ហ៊ែល តូនី អគ្គលេខាធិការ អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានដឹកនាំសម្របសម្រួលសិក្ខាសាលាបណ្តុះបណ្តាល ស្តីពីការត្រួតពិនិត្យតាមដាន និងវាយតម្លៃពាក់កណ្តាលគម្រោង នៃគម្រោងសហប្រតិបត្តការវាងបឹងទន្លេសាប(កម្ពុជា) និងអាងសុងក្លា(ថៃ) ដែលមានការចូលរួមពីមន្ត្រីបរិស្ថាន មន្រី្តជលផល មន្រី្តទេសចរណ៏ វិទ្យាស្ថានស្រាវជ្រាវ ប្រជាសហគមន៍ សរុបចំនួន ២៥នាក់ ។
សិក្ខាសាលានេះ មានគោលបំណង ៖
១. កំណត់បញ្ហាទាំងឡាយដែឡពាក់ព័ន្ធលើការអនុវត្ត និងគ្រប់គ្រងគម្រោង
២. កំណត់បញ្ហាទាំងឡាយដែលពាក់ព័ន្ធអ្នកចូលរួមអនុវត្តន៍គម្រោង
៣. ត្រួតពិនិត្យ និងវាយតម្លៃគម្រោង
៤. ទទួលយកអនុសាសន៍ទាំងឡាយពីអ្នកចូលរួមដើម្បីជម្រុញប្រសិទ្ធភាពរបស់គម្រោង ។
ជាលទ្ធផល សិក្ខាសាលានេះ នឹងកំណត់បាននូវបញ្ហា និងការចូលរួមយោបល់ពីការគ្រប់គ្រង និងកាេអនុវត្តគម្រោង រួមជាមួយការចូលរួមរបស់ភាគីពាក់ព័ន្ធក្នុងការទទួលអត្ថប្រយោជន៍ពីគម្រោង ដើម្បីកែលម្អរបាយការណ៍ពាក់កណ្តាលអាណត្តិរបស់គម្រោង អោយកាន់តែប្រសើរឡើង ។