នាថ្ងៃទី ២០ ខែធ្នូ ឆ្នាំ ២០១៦ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានអញ្ជើញចូលរួមប្រជុំពិភាក្សាការងារជាមួយលោកអភិបាលស្រុកមង្គលបូរី សមាជិកក្រុមប្រឹក្សាឃុំ និងរៀបចំពិធីជួបសំណេះ សំណាលជាមួយប្រជាជនដែលជួបការលំបាក និងខ្វះខាតជីវភាពក្នុងបន្ទុកគ្រួសារ។ កម្មវិធីនេះរៀបចំឡើងនៅភូមិថ្នល់បត់ ឃុំរហាត់ទឹក ស្រុកមង្គលបូរី ដោយមានការអញ្ជើញចូលរួមពីគ្រួសារដែលជួបការលំបាកចំនួន ១៤ គ្រួសារ និងបានឧបត្ថម្ភជូនសម្ភារៈមួយចំនួន និងថវិកាចំនួន ៧៥,០០០ រៀល ក្នុងមួយគ្រួសារ។ ក្រុមការងារបានជួបប្រជុំជាមួយក្រុមប្រឹក្សាឃុំ ដើម្បីផ្លាស់ប្តូរបទពិសោធន៍ និងផ្តល់គោលការណ៍យុទ្ធសាស្ត្រមួយចំនួនដើម្បីអនុវត្តការងារទទួលបានជោគជ័យ។ លោកអភិបាលស្រុកបានអញ្ជើញក្រុមការងារចុះពិនិត្យផ្ទាល់អំពីសមិទ្ធិផលនានាដូចជាផ្លូវថ្នល់ ស្ពាន និងប្រឡាយទឹកជាដើម ដែលឃុំសម្រេចបាននាពេលកន្លងមក។