វគ្គបណ្តុះបណ្តាល ស្តីពីរបៀបបែបបទរក្សាទុកឯកសារក្នុងដំណើរការការងារប្រចាំថ្ងៃទាំងផ្នែកទុន (Soft) និងផ្នែករឹង (Hard)
នាថ្ងៃទី ២៣ ខែធ្នូ ឆ្នាំ ២០១៦ នៅសាលបណ្តុះបណ្តាលនៃអគារទីស្តីការក្រសួងធនធានទឹក និងឧតុនិយម មានរៀបចំវគ្គបណ្តុះបណ្តាលពង្រឹងសមត្ថភាពដល់មន្ត្រី ស្តីពីរបៀបបែបបទរក្សាទុកឯកសារក្នុងដំណើរការការងារប្រចាំថ្ងៃទាំងផ្នែកទុន (Soft) និងផ្នែករឹង (Hard ) ក្រោមអធិបតីយភាព ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប ដែលរៀបចំឡើងដោយអគ្គលេខាធិការដ្ឋាន អាជ្ញាធរទន្លេសាប និងមានការចូលរួមពីថ្នាក់ប្រធាន-អនុប្រធានការិយាល័យនិងមន្ត្រីក្រោមឱវាទអគ្គលេខាធិការដ្ឋាន អាជ្ញាធរទន្លេសាប ចំនួន ៣០ នាក់។ វគ្គបណ្តុះបណ្តាលនេះ ដើម្បីអោយមន្ត្រីបានយល់ដឹងពីប្រភេទឯកសារ ការប្រើប្រាស់ឯកសារ ការបង្កើតឯកសារ ការចរាចរឯកសារ និងរបៀបបែបបទរក្សាទុកឯកសារក្នុងដំណើរការការងារប្រចាំថ្ងៃទាំងផ្នែកទុន(Soft) និងផ្នែករឹង (Hard) ដែលមានលក្ខណៈជាក្បួនខ្នាត ហើយងាយរកក្នុងពេលត្រូវការវាជាព័តឥមានប្រតិបត្តិ ។
