សកម្មភាពចូលរួមវេទិកាសាធារណៈនៅស្រុកមង្គលបូរី ខេត្តបន្ទាយមានជ័យ
នាថ្ងៃទី ១៧ ខែ វិច្ឆិកា ឆ្នាំ២០១៦ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានអញ្ជើញចូលរួមកម្មវិធីវេទិកាសាធារណៈ នៅភូមិភ្នំតូចត្បូង ឃុំភ្នំតូច ស្រុកមង្គលបូរី ខេត្តបន្ទាយមានជ័យ ក្រោមអធិបតីភាព ឯកឧត្តម សន ស៊ីថន រដ្ឋលេខាធិការក្រសួងផែនការ និងជាប្រធានក្រុមការងារ ថ្នាក់ខេត្តចុះមូលដ្ឋានស្រុកមង្គលបូរី ដោយមានការអញ្ជើញចូលរួមពី លោកអភិបាលរងស្រុកមង្គលបូរី សមាជិកក្រុមប្រឹក្សាស្រុក នាយករដ្ឋបាលសាលាស្រុក ក្រុមប្រឹក្សាឃុំ មេឃុំ ជំទប់ឃុំ កងកម្លាំងប្រដាប់អាវុធ ប៉ូលីស កងរាជអាវុធហត្ថ និងប្រជាពលរដ្ឋចូលរួមជាច្រើនសរុបចំនួន 200 នាក់។
ឯកឧត្តមប្រធានអង្គប្រជុំបានបូកសរុបលទ្ធផលនៃកិច្ចប្រជុំពិភាក្សា និងសូមសរសើរចំពោះសមិទ្ធិផលនានា ដែលឃុំសម្រេចបានក្នុងឆ្នាំ 2016 នាពេលកន្លងមកនេះ បើប្រៀបធៀបទៅនឹងឆ្នាំមុនៗលើគ្រប់វិស័យ និងស្នើសុំឲ្យក្រុមប្រឹក្សាឃុំបន្តសកម្មភាពអភិវឌ្ឍន៍មួយចំនួនថែមទៀតសម្រាប់ឆ្នាំបន្ទាប់។
