នាថ្ងៃទី ១៣ ខែ មករា ឆ្នាំ ២០១៦ លោក ស៊ិន វិសិទ្ធ ប្រធាននាយកដ្ឋានត្រួតពិនិត្យការធ្វើអាជីវកម្មនិងអភិរក្ស និងជាជាសមាជិកក្រុមការងារថ្នាក់ជាតិចុះអនុវត្តន៍គោលនយោបាយចតុកោណដំណាក់កាលទី៣ របស់រាជរដ្ឋាភិបាល ខេត្តព្រះវិហារ បានចូលរួមក្នុងពិធីប្រគល់វិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋនៅភូមិតាំងត្រក និងភូមិរវៀងជើង ឃុំរបៀប ស្រុករវៀង មានចំនួន ៦៥២ គ្រួសារ(៩៥៥ ក្បាលដី)និងបើកការដ្ឋានសាងសង់ផ្លូវលំប្រវែង ៨.០០០ម៉ែត្រ ចូលភូមិ ស្វាយដំណាក់ ឃុំរមទម្យ ស្រុករវៀង ខេត្តព្រះវិហារ ក្រោមអធិបតីភាពឯកឧត្តម នាយឧត្តមសេនីយ៍ មាស សុភា មេបញ្ជាការកងទ័ពជើងគោក និងជាប្រធានក្រុមការងារថ្នាក់ជាតិចុះមូលដ្ឋាន ខេត្តព្រះវិហារ ព្រមទាំងមានការអញ្ជើញចូលរួមពីឯកឧត្តម អ៊ុំ ម៉ារ៉ា អភិបាល នៃគណអភិបាលខេត្តព្រះវិហារ និងលោក ឡុង សុវណ្ណ ប្រធានក្រុមប្រឹក្សាខេត្តព្រះវិហារ និងមន្ត្រីពាក់ព័ន្ធជាច្រើនផ្សេង ទៀត។