នាថ្ងៃព្រហស្បតិ៍ ០៩ កើត ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៥ ខែមករា ឆ្នាំ២០១៨ នៅទីរួមខេត្តបាត់ដំបង លោក ស៊ិន វិសិទ្ធិ ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានសហការជាមួយគណៈកម្មាធិការជាតិទន្លេ មេគង្គកម្ពុជា ក្រោមជំនួយឧបត្ថម្ភរបស់ធនាគារពិភពលោក បានរៀបចំសិក្ខាសាលាពិគ្រោះយោបល់សេចក្តីព្រាងរបាយការណ៍ស្តីពីការតាមដានបរិមាណផលចាប់ជលផលប្រចាំថ្ងៃរបស់អ្នកនេសាទ ក្នុងតំបន់សហគមន៍សាកល្បង នៃគម្រោងគ្រប់គ្រងធនធានទឹកចម្រុះរវាងបឹងទន្លេសាប (កម្ពុជា) និងអាងសុងក្លាប្រទេស (ថៃ)។ សិក្ខាសាលា មានការចូលរួមពីមន្ត្រីអាជ្ញាធរទន្លេសាប គណៈកម្មាធិការជាតិទន្លេមេគង្គកម្ពុជា មន្ទីរពាក់ព័ន្ធ សហគមន៍នេសាទតាម បណ្តាខេត្តជុំវិញបឹងទន្លេសាប សមាជិកក្នុងសហគមន៍សាកល្បង អ្នកនេសាទ និងក្រុមជនាញការសរុបចំនួន ៣៣ នាក់ ។សិក្ខាសាលាពិគ្រោះយោបល់នេះ ក្នុងគោលបំណង ៖
- បង្ហាញលទ្ធផលការតាមដានបរិមាណផលចាប់ធនធានជលផលប្រចាំថ្ងៃរបស់អ្នកនេសាទនៅស្ទឹងសង្កែ និងស្ទឹងពោធិសាត់
- ប្រមូលមតិ និងអនុសាសន៍ ដើម្បីកែសម្រួលរបាយការណ៍បញ្ចប់គម្រោង ។