នារសៀលថ្ងៃទី ១១ ខែកក្កដា ឆ្នាំ ២០១៧ នៅអគ្គលេខាធិការដ្ឋាន អាជ្ញាធរទន្លេសាប ឯកឧត្តម ហ៊ែល តូនី អគ្គលេខាធិការ អាជ្ញាធរទន្លេសាប បានអនុញ្ញាតអោយប្រតិភូក្រុមជំនាញការអភិរក្សធនធានធម្មជាតិ និងព្រៃឈើ JICA ក្រោមកម្មវិធីអភិរក្សបរិស្ថាន និងការគ្រប់គ្រងទីជម្រាលក្នុងតំបន់អាងមេគង្គ ចូលជួបពិភាក្សាការងារ។ កិច្ចជំនូបពិភាក្សា ដើម្បីការស្វែងយល់ពីដំណើរការកិច្ចសហប្រតិបត្តិការ និងការចែករំលែកព័ត៌មាន ទិន្នន័យដែលពាក់ព័ន្ធ ដើម្បីលើកកម្ពស់ដល់ការគ្រប់គ្រងទីជម្រាលក្នុងតំបន់អាងមេគង្គខាងក្រោម តាមរយៈការអភិរក្សព្រៃឈើ ដោយសហការជាមួយប្រទេសជាសមាជិកតំបន់មេគង្គ និងគណៈកម្មការទន្លេមេគង្គ (MRC) ។