នាថ្ងៃទី ០៦-០៧ ខែ មករា ឆ្នាំ ២០១៧ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានចូលរួមប្រជុំពិភាក្សាក្រុមការងារថ្នាក់ជាតិចុះត្រួតពិនិត្យនិងគាំទ្រការអនុវត្តកម្មវិធីគោលនយោបាយ និងយុទ្ធសាស្ត្រចតុកោណដំណាក់កាលទី៣របស់រាជរដ្ឋាភិបាលដើម្បីលើកផែនការសកម្មភាពសម្រាប់អនុវត្តក្នុងឆ្នាំ២០១៧ នៅស្រុកមង្គលបូរី ។ នាឆ្នាំ ២០១៦ កន្លងមក ក្រុមការងារបានចុះរៀបចំវេទិកាសាធារណៈបានចំនួន ១០ ឃុំ នៅក្នុងស្រុកមង្គលបូរី ដែលនៅសល់ ៣ ឃុំទៀតនឹងត្រូវបន្តចុះនៅក្នុងឆ្នាំ ២០១៧ នេះ។ ក្រុមការងារនឹងរៀបចំរបាយការណ៍បូកសរុបលទ្ធផលការងារដែលសម្រេចបានក្នុងឆ្នាំ ២០១៦ ដាក់ជូន ឯកឧត្តម ឧបនាយករដ្ឋមន្ត្រី កែ គឹមយ៉ាន ប្រធានក្រុមការងារថ្នាក់ជាតិចុះមូលដ្ឋានខេត្តបន្ទាយមានជ័យ ដើម្បីពិនិត្យ និងមានវិធានការដោះស្រាយរាល់សំណូមពររបស់ប្រជាជននៅតាមមូលដ្ឋានដែលបានស្នើឡើង។