នារសៀលថ្ងៃទី ២៩ ខែវិច្ឆិកា ឆ្នាំ២០១៦ នៅសាលប្រជុំអាជ្ញាធរទន្លេសាប ឯកឧត្តម ហ៊ែល តូនី អគ្គលេខាធិការ បានដឹកនាំមន្ត្រីបច្ចេកទេសនៃអគ្គលេខាធិករដ្ឋាន អាជ្ញាធរទន្លេសាប (TSA) ជួបប្រជុំពិភាក្សាជាមួយក្រុមសាស្ត្រាចារ្យស្រាវជ្រាវនៃវិទ្យាស្ថានបច្ចេកវិទ្យាកម្ពុជា(ITC) ដើម្បីពិនិត្យលទ្ធភាពរៀបចំទស្សនៈទានកិច្ចព្រមព្រៀង ក្នុងការបង្កើនកិច្ចសហប្រតិបត្តិការលើកាសិក្សាស្រាវជ្រាវ និងវាយតម្លៃពីសក្តានុពលសេដ្ឋកិច្ច សង្គមកិច្ច និងធនធានធម្មជាតិ សំដៅលើកកម្ពស់សុខមាលភាពសង្គម និងប្រជាជននៅតំបន់បឹងទន្លេសាប និងតំបន់ពាក់ព័ន្ធ ព្រមជាមួយនឹងការចូលរួមលើកកម្ពស់ដល់កិច្ចការពារ និងថែរក្សាធនធានធម្មជាតិ និងបរិស្ថាន នៅតំបន់ជុំវិញបឹងទន្លេសាប។ កិច្ចប្រជុំបានឯកភាពគ្នាក្នុងការរៀបចំរបាយការណ៍លទ្ធផលកិច្ចប្រជុំនិងសេចក្តីព្រាងអនុស្សារណៈដើម្បីស្នើសុំគោលការណ៍ឯកភាពពីឯកឧត្តមប្រធាននៃស្ថាប័នទាំង២។