សិក្ខាសាលាបណ្តុះបណ្តាល ស្តីពីការពង្រឹងការអនុវត្ត និងការគ្រប់គ្រងសហគមន៍ក្នុងបរិបទការគ្រប់គ្រងធនធានទឹកចម្រុះ
នាថ្ងៃទី ០៧ ខែវិច្ឆិកា ឆ្នាំ ២០១៦ នៅទីរួមខេត្តបាត់ដំបង ឯកឧត្តម ហ៊ែល តូនី អគ្គលេខាធិការ អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប និងគណៈកម្មាធិការជាតិទន្លេមេគង្គកម្ពុជា បានដឹកនាំសម្របសម្រួល សិក្ខាសាលាបណ្តុះបណ្តាល ស្តីពីការពង្រឹងការអនុវត្ត និងការគ្រប់គ្រងសហគមន៍ក្នុងបរិបទការគ្រប់គ្រងធនធានទឹកចម្រុះ ក្រោមគម្រោងគ្រប់គ្រងធនធានទឹកចម្រុះឆ្លងដែនរវាងទន្លេសាប (កម្ពុជា) និងអាងទន្លេសុងក្លា (ថៃ) ។ សិក្ខាសាលានេះ មានគោលបំណង ៖
១. លើកម្ពស់ការយល់ដឹងពីការអភិវឌ្ឍន៍ និងការគ្រប់គ្រង រួមជាមួយការចូលរួមជាសាធារណៈរបស់សមាជិកសហគមន៍ និងប្រជាពលរដ្ឋក្នុងសហគមន៍,
២. បង្កើនការយល់ដឹងសហគមន៍ឧ្យចាប់អារម្មណ៍នឹងទេចរធម្មជាតិ ធន់ទ្រាំនឹងការបម្រែបម្រួលអាកាសធាតុ និងការគ្រប់គ្រងធនធានជលផល,
៣. គាំទ្រអោយមានការដាំព្រៃលិចទឹក និងការពារធនធានធម្មជាតិ ទប់ទល់នឹងគ្រោះរាំងស្ងួត ។
