កិច្ចជំនួបពិភាក្សាជាមួយគណ:ប្រតិភូចិន នៃវិទ្យាស្ថានកិច្ចការការពារធនធានទឹក Changjiang
នាព្រឹកថ្ងៃទី ២៦ ខែកញ្ញា ឆ្នាំ២០១៦ នៅសាលប្រជុំអគ្គលេខាធិការដ្ឋានអាជ្ញាធរទន្លេសាប ឯកឧត្តម ខូវ មាស អគ្គលេខាធិការរង បានដឹកនាំក្រុមការងារអាជ្ញាធរទន្លេសាប ទទួលជួបពិភាក្សាជាមួយក្រុមប្រតិភូដែលអញ្ជើញមកពីគណៈកម្មការគ្រប់គ្រងធនធានទឹក Changjiang (Changjiang Water Resources Commission) និងវិទ្យាស្ថានកិច្ចការពារធនធានទឹក Changjiang (Changjiang Water Resources Protection Institute) នៃប្រទេសចិន ដឹកនាំដោយលោកសាស្ត្រាចារ្យ Ding Yi ។
ជំនួបពិភាក្សាផ្តោតសំខាន់ពាក់ព័ន្ធនឹងការគ្រប់គ្រងវិស័យធនធានទឹកនៅតំបន់ទន្លេសាប និងក្នុងតំបន់មេគង្គ ក្នុងកិច្ចសហប្រតិបត្តិការទ្វេភាគីរវាងក្រសួងធនធានទឹក និងឧតុនិយម (ព្រះរាជាណាចក្រកម្ពុជា) ជាមួយក្រសួងធនធានទឹក (សាធារណ:រដ្ឋប្រជាមានិតចិន)។ ការពិភាក្សាបានឆ្លុះបញ្ចាំងទៅលើធនធានពាក់ព័ន្ធផងដែរ រួមមាន : ប្រព័ន្ធអេកូឡូស៊ី បរិស្ថាន គុណភាពទឹក ប្រព័ន្ធស្រោចស្រព ជីវចម្រុះ ធនធានជលផល និងការអភិវឌ្ឍន៍សេដ្ឋកិច្ចសង្គមនៅតំបន់ទន្លេសាប និងតំបន់ពាក់ព័ន្ធ ដើម្បីរៀបចំគម្រោងផែនការមេក្នុងការគ្រប់គ្រងធនធានទឹកនៅប្រទេសកម្ពុជា (Water Resources Planning Outline Project) ដែលក្រសួងធនធានទឹក និងឧតុនិយមនៃប្រទេសកម្ពុជា ។
