នាថ្ងៃទី ១៥ ខែ កញ្ញា ឆ្នាំ២០១៦ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានអញ្ជើញចូលរួមកម្មវិធីវេទិការសាធារណៈ នៅឃុំស្រះរាំង ស្រុកមង្គលបូរី ខេត្តបន្ទាយមានជ័យ។ គោលបំណងរបស់ក្រុមការងារថ្នាក់ជាតិចុះមូលដ្ឋានខេត្តបន្ទាយមានជ័យ គឺដើម្បីប្រមូលនូវព័ត៌មាន សំខាន់ៗក្តាប់សភាពការណ៍រួមទូទៅរបស់ថ្នាក់មូលដ្ឋានផ្ទាល់ ស្តាប់ការបញ្ចេញមតិយោបល់ ការសិក្សាស្វែងយល់ពីក្តីកង្វល់ និងសំណូមពរផ្សេងៗរបស់ប្រជាពលរដ្ឋដែលបានលើកឡើង ដើម្បីមានវិធានការដោះស្រាយជាបន្តបន្ទាប់ និងធ្វើរបាយការណ៍ជូនឯកឧត្តមប្រធានក្រុមការងារថ្នាក់ជាតិពិនិត្យ និងសម្រេច។ កម្មវិធីខាងលើនេះមានការអញ្ជើញចូលរួមពី ឯកឧត្តម សន ស៊ីថន រដ្ឋលេខាធិការក្រសួងផែនការ និងជាប្រធានក្រុមការងារ សមាជិកក្រុមការងារថ្នាក់ជាតិ លោកអភិបាលរងស្រុកមង្គលបូរី សមាជិកក្រុមប្រឹក្សាស្រុក នាយករដ្ឋបាលសាលាស្រុក ក្រុមប្រឹក្សាឃុំ មេឃុំ ជំទប់ឃុំ កងកម្លាំងប្រដាប់អាវុធ ប៉ូលីស កងរាជអាវុធហត្ថ មន្ត្រីអគ្គិសនីខេត្ត និងប្រជាពលរដ្ឋចូលរួមជាច្រើនសរុបចំនួនប្រមាណ 200 នាក់។