នាព្រឹកថ្ងៃទី ៨ ខែកញ្ញា ឆ្នាំ២0១៦ នៅសាលប្រជុំក្រសួងធនធានទឹក និងឧតុនិយម (ក្បាលថ្នល់) មានរៀបចំវគ្គផ្សព្វផ្សាយស្តីពីកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដឹកនាំដោយឯកឧត្តម ប៊ុន ហ៊ាន ហ៊ាន រដ្ឋលេខាធិការ និងជាប្រធានក្រុមការងារកែទម្រង់ការគ្រប់គ្រងហិរញ្ញវត្ថុសាធារណៈ ប្រចាំក្រសួងធនធានទឹក និងឧតុនិយម តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប និងឯកឧត្តម ញាណ ឡេង អនុរដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ និងមានការអញ្ជើញចូលរួមថ្នាក់ដឹកនាំជាអគ្គនាយក អគ្គលេខាធិការ អគ្គនាយរង មន្ត្រីបច្ចេកទេសថ្នាក់នាយកដ្ឋាន ការិយាល័យ និងមន្ត្រីជំនាញក្រុមការងារកែទម្រង់ហិរញ្ញវត្ថុសាធារណៈរបស់ស្ថាប័នទាំង៣ (ក្រួសួថធនធនាទឹក និងឧតុនិយម អាជ្ញាធរទន្លេសាប និងគណកម្មាធិការជាតិទន្លេមេគង្គកម្ពុជា)។ វគ្គផ្សព្វផ្សាយនេះ មានគោលបំណងសំខាន់ ដើម្បីចែករំលែកបទពិសោធន៍ និងចំណេះដឹងដល់ថ្នាក់ដឹកនាំ និងសិក្ខាកាម ដើម្បីចូលរួមគាំទ្រយ៉ាងសកម្មក្នុងការអនុវត្តការងារកែទម្រង់ការគ្រប់គ្រងហិរញ្ញវត្ថុសាធារណៈសម្រាប់ផែនការសកម្មភាពដំណាក់កាលទី ៣។ វគ្គផ្សព្វផ្សាយនេះ បានបង្ហាញជូននូវ៖
១. ស្វែងយល់ពីចក្ខុវិស័យនិងយុទ្ធសាស្ត្រនៃកម្មវិធីកែទម្រង់ ហិរញ្ញវត្ថុសាធារណៈ,
២. វិធីសាស្ត្រនៃការត្រួតពិនិត្យនិងវាយតម្លៃការអនុវត្តផែនការ សកម្មភាពដំណាក់កាលទី៣,
៣. ផ្សព្វផ្សាយសារាចររាជរដ្ឋាភិបាលលេខ0៩ សរ ស្តីពីវិធាននិងនីតិវិធីនៃការរៀបចំ ការអនុវត្ត ការត្រួតពនិត្យតាមដាន និងការវាយតម្លៃលើការងារកែទម្រង់ការគ្រប់គ្រងហិរញ្ញវត្តុសាធារណៈ,
៤. គម្រោងថវិកាកម្មវិធីរបស់ក្រួសធនធានទឹក និងឧតុនិយម ដំណាក់កាលទី៣ ។